黃記煌三汁燜鍋 (Closed)

對唔住，各位飯友，本身就係一個中意凌亂美既人，所以D相都系擺到好凌亂，冇乜次序。如有造成任何視覺的不便，咁你就齋睇文字喇。多謝合作。是日工作有壓力，建議同事吃得豐富D，一飽解千愁。於是忽發奇想要試試公司附近既黃記煌，好似係燜鍋，但係唔系火鍋，又同雞煲唔同。大概就係幾惹味既野喇。入直路，唔講甘多廢話，返工時間寫食評已經係罪該萬死，千刀萬剮了。我地一齊四個痳甩同事，雖然有壓力，但係都唔敢食太貴，經過我地開會討論之後決定試下佢地個午市推介雞翼Q彈燜鍋，特價$138.佢話夠我地食，唔夠就跟碗白飯。哈哈。我覺得我地好寒酸呀，幾個大男人食飯都唔敢嗌大佢。因為要養家嘛。打工仔係算死草gar la。評語：味道好惹味，加左野飲，$5就可以加野飲。冇火煮食，裡面有曬蔬菜同肉類，好多未試過既丸仔。哈哈。開心大發現，唔使同人逼。自自在在，輕輕鬆鬆咁，呢D先叫午膳嘛，平時果d茶餐廳，好似監倉輪飯咁。哈哈，心舒暢，翻公司喇。首先翻去check Facebook，然後睇下八卦，跟住同同事吹吹水。放工，打工仔嘛，咁既表現ok 喇。各位飯友，不妨多多嘗試一下平時覺得貴或者唔適合自己既餐廳而唔入，你可能會好似我咁，咁遲先