夏麵館 (H.A.N.D.S) (Closed)

今日又再黎食lunch, 同樣地叫左一個中式set lunch套餐。前菜: 四喜烤夫 (跟餐)四喜烤夫係一個地道上海菜, 好有特色, 唔係咁多地方有得食, 其實佢係麵筋黎, 又有d 似豆干, 味道酸酸甜甜, 似酸齋味, 仲配有雲耳同幾粒毛豆, 呢個前菜份量唔少, 好滿足!主食: 鱔糊麵$68鱔糊同麵原來分開上, 鱔糊係鱔切成小條, 再同一d 筍呀薑呀一齊炒, 筍同薑我都唔多食, 唯有食鱔, 不過鱔都幾多, 都夠食呀, 個鱔唔算腥, 但肉質有d 鞋口, 有少少微細硬骨, 至於個麵就非常清淡了, 可能因為個鱔糊太濃味, 要balance返。飲品: 豆漿 (跟餐)今次要熱豆漿, 真係好熱辣辣, 要攤凍少少先飲到, 份量無凍豆漿咁多, 不過都好夠飲, 總覺得熱既豆漿個豆味比較香。油菜 (跟餐另加$12)揀左油麥菜, 係白灼的, 有菜的清甜味, 嫌味唔夠可以點另外碟仔裝住既蠔油食, 鍾意佢分開蠔油上, 唔駛咁咸, 將菜直接放落湯麵度食都唔錯。