四季文昌 (Closed)

天氣好凍，朋友介紹之下帶咗我過嚟旺角呢一間海南雞火鍋，原來呢一間係新開嘅！係而家時下最流行嘅椰子火鍋！真係好好奇甜甜嘅椰青汁點樣可以做湯底！店入面環境好大，行一嘅七點幾來到已經爆滿。店員好快就將湯底同埋來自海南島嘅雞送過來！湯底係用兩個椰青加1個椰皇製成，無加水，所以好甜！將雞件放落去，雞吸收左椰青嘅甜味，而且雞肉本身好嫩好滑！估唔到咁好食！煲完雞之後湯底份外清甜！我同朋友完全將湯底飲晒！飲完椰青雞湯後，店員送上麵包蟹海鮮蕃茄湯底！一次火鍋有兩個唔同食法！ 蕃茄湯底酸酸甜甜好開胃！海鮮有大量嘅蜆，青口，花甲，好甜好新鮮！日本山形A5和牛肉眼，超有咬口，牛味又濃又甜！而且脂肪分布均勻，好滑好香！灼熟後點一下雞蛋甜豉油，好好食！佐賀A5和牛牛肩肉脂肪分布均勻，入口之後有少少溶嘅感覺！牛味香又甜！一點也不韌！飲品方面有好多選擇，我哋要咗椰青同埋青檸梳打！好大杯又解渴！打邊爐雖然好熱氣，不過有咁多椰青椰皇，熱氣自然清哂！又夠滋潤！感覺好正！呢度仲有好多海鮮嘅選擇，下次同朋友再嚟一定要再試下！呢度嘅牛肉真係一流！價錢唔貴仲有好多套餐嘅選擇！