川熙樓 (Closed)

本身好鍾意食辣，偶然行過見到川熙樓有四川火鍋任食，係酒店入面，價錢唔貴，當然要試下啦！ 點左鴛鴦湯底，分別係麻辣清酒鍋同蕃茄薯仔牛肋鍋，湯底真材實料，絕無欺場，清洒鍋麻香味濃，蕃茄牛肋鍋清新醒胃，果然冇㨂錯。安格斯肥牛色澤鮮豔，極重牛香，回味無窮，麻辣牛肉口感嫩滑，加上很香川味醃料，爽口之餘，齒頰留香，最重要係其地方未食過，非常新鮮獨特，所以我地重覆點左四次，其餘五花腩片油脂多，啖啖肉，鴨血鵝腸新鮮爽口，花雕雞件，花雕味好重，雞肉滑滑溜溜，好食。而手打雞滑及墨魚滑十分彈牙，真材實料，另外薯粉一定要，因為配上麻辣湯湯底好入味，薯粉煙韌，吸收整個湯既精華，簡直絕配。環境好舒適，特別張枱非常大，可以放滿好多食物，下次一定再食過！