十二味 (山市樓) (Closed)

平日都好多人排隊，我都等左十五分鐘先可以食。《人見人愛酸菜魚》 $198《最佳拍檔粉條》$28酸菜魚+粉條真係好大碗，魚質好滑，完全無骨，除左有魚之外，有酸菜，菇片同埋萵筍。雖然點單紙上面只有辣同唔辣揀，但其實可以叫小辣。小辣對於我黎講，酸辣岩岩好。粉條係滑滑透明寬面，煙煙韌軔咁，即使浸耐左都唔會軟淋淋，果然係最佳拍擋。《涼拌土豆絲》$28土豆絲叫左唔辣，雖然睇落好似無咩特別，但食落好爽口同埋有點麻油味。《蔥油拌麵》$38有點豉油王既味道，但用上較粗既面。《哈密牛奶》$28解辣之選，一啖就可以解辣，哈密瓜味好重，有點似奶昔。