十二味 (筲箕灣東大街) (Closed)

香港開得越來越多四川辣菜🌶️，十二味就係其中一間四川菜嘅連鎖店，主打唔同嘅四川菜式，包括酸菜魚🐟，麻辣乾鍋等等。呢間分店星期一至五有午市套餐，因為舖頭有上下兩層，大部份時間唔使等位。套餐裏面包含一份主菜，一碗飯及一杯飲品。價錢大約係$50至$70左右，午市冇+10% 服務費，算係非常合理。👍🏻午市套餐嘅主菜係可以選擇麻辣乾鍋，酸菜魚，口水雞等等。當日選擇口水雞🐔，辣度亦都可以自由嘅選擇🔥。口水雞份量正常，辣度適中，味道算係唔錯。