烤吧31 (Closed)

呢間餐廳主打四川風味烤魚同串燒🍖幾適合約幾個朋友食飯同飲酒，可能當晚係星期五嘅關係，都好多人食，個氣氛幾似喺街頭食緊串燒好地道嘅感覺😂當然食串燒，一定要飲🍻🍻另外都估唔到呢度有玻璃樽嘅可樂☺️我哋首先叫咗呢度嘅招牌菜•秘製烤牛筒骨($78) 鋪滿左蒜蓉同香料🧄食牛筒骨髓當然係用匙羹仔挖出，燒烤店有牛筒骨食真係比較少見😋另外都叫咗我最愛嘅•燒白鱔($38)，層皮燒到勁脆，烤至金黃香口💕其他串燒：•台灣腸 ($19)•烤水魷魚 ($32)•茄子 ($35)•蒜蓉牛油娃娃菜兜 ($32)