滿江紅 (Closed)

落住大雨，走到距離地鐵站都十分鐘路程既餐廳，雖然位置難找，但係人流依然十分旺。 —————————鋪頭有三層，第一層係樓面，上到去係兩層餐廳，最上果層可以見到滿江紅大大既中式牌匾。餐廳地方闊落，坐左近窗位置。侍應馬上招呼熱茶，仲幫我地斟埋，服務態度好好，所有要求都即叫即到。有個小前菜，麻辣海帶，都幾辣下，但係十分惹味。——————————餐單裡面好多傳統地道既川菜，我地叫左個皮蛋豆腐做前菜， 渝洲涼麵，一份茶樹菇湯，大大份既水煮黃膳片。 個麵好爽口，加上新鮮既青瓜絲，非常有好感，醬汁都整得好惹味。————————豆腐既豆味濃厚，個皮蛋好似溫泉蛋咁 中間流心，口感好特別。 ————————-茶樹菇湯個人覺得中規中矩。 正常老火湯。幾多料，但係肉有點老。———————最後係大大煲既水煮黃鱔片，入面好多料，有豬紅，筍，薯粉，芽菜，同埋黃膳片，大量大量既辣椒，都真係幾辣下，但係十分惹味！ 配埋個熱黏黏既白飯就岩岩好。 ——————-整體都唔錯既餐廳，係價錢偏貴，但性價比唔錯，特別日子可以尼試試，非常有川菜風味。