老川皇

Open Now

Now Closed

今晚朋友提議食川菜，即刻Openrice睇下旺角有咩特式川菜先。其實選擇都不多，但朋友說她的朋友食過呢間覺得唔錯咪決定食老川皇囉。一開始先黎一盆水煮魚，份量十足，滿佈花椒。生魚有骨就一定架啦，但呢間就可以煮到啲魚又滑又香，仲要完全無腥味。同埋入面有啲芽菜，勁爽脆新鮮，咬落去卜卜趕。魚片塊塊大大塊,完全無偷工減料。我地就叫左小辣，真係小辣，唔太嗜辣既朋友一定食到！口水雞就叫左半隻，隻雞超肥而且又入味，又帶有少少麻。同埋我估唔到半隻既份量都幾多，真係足秤。炒尖椒豬肚唔好以為尖椒咁炒法一定辣到飛起呀，其實一啲都唔辣；因為餐廳好細心咁去走哂份入面啲籽，所以淨係會食到青椒唔辣既味，同埋呢碟送一啲都唔油膩，豬肚又彈牙脆身，一啲都唔un。如果你擔心川菜太辣，呢碟小菜一定必叫，真係唔太辣，又易入口，食下一啖食下一啖就清曬成碟無難道。