Video
Read full review
2009-05-20
3 views
今日同朋友經過佐敦，原本想食澳洲牛奶公司，但老朋友好耐無見，又唔想坐得又趕又唔舒服，所以最終四圍行再搵食，行過兩條街，被一個又紅又黃的招牌上的卡通公仔吸引到，個名都幾好笑，叫「麻辣媽媽」，見到好似少人D，不用等位，所以就入去啦...最初同朋友都有D擔心，點解食飯時間人都唔係太多，係未唔好食呢?點知隨即應該係老闆的人士就好熱情的招待，說是新店開張，我才安心一點，可能無人知，才容易搵位，而且老闆更送上辣雞腳一碟作酬賓，不過我唔食雞腳的，唯有等朋友試先...他說好辣，但又幾好味，所以一到食唔停口，又要話辣，我認唔住幫佢問老闆，有甚麼可以解下辣，老闆就介紹了野採蜜糖龍眼冰，朋友都話解唔解渴就唔知，但又幾好飲，好重蜜糖味..之後我們就叫了四川招牌菜 - 水煮魚，見到一面紅當當的汁底，就擔心會好辣，點知食完後又麻而不太辣，令我回想起金滿庭的水煮魚味道，確實不錯，而且底裡有很多牙菜及粉條做配菜，所以感覺很抵死及滿足。再來一味，當然又是四川特色 - 辣子，但我無選擇平日既炒蝦或雞，而選擇較少見既炒軟殼蟹(可能我食四川野少，其實是很COMMON)，我同朋友都覺得這度FUSION的菜式，確實熱烈推介，好香
最初同朋友都有D擔心，點解食飯時間人都唔係太多，係未唔好食呢?點知隨即應該係老闆的人士就好熱情的招待，說是新店開張，我才安心一點，可能無人知，才容易搵位，而且老闆更送上辣雞腳一碟作酬賓，不過我唔食雞腳的，唯有等朋友試先...他說好辣，但又幾好味，所以一到食唔停口，又要話辣，我認唔住幫佢問老闆，有甚麼可以解下辣，老闆就介紹了野採蜜糖龍眼冰，朋友都話解唔解渴就唔知，但又幾好飲，好重蜜糖味..
之後我們就叫了四川招牌菜 - 水煮魚，見到一面紅當當的汁底，就擔心會好辣，點知食完後又麻而不太辣，令我回想起金滿庭的水煮魚味道，確實不錯，而且底裡有很多牙菜及粉條做配菜，所以感覺很抵死及滿足。
再來一味，當然又是四川特色 - 辣子，但我無選擇平日既炒蝦或雞，而選擇較少見既炒軟殼蟹(可能我食四川野少，其實是很COMMON)，我同朋友都覺得這度FUSION的菜式，確實熱烈推介，好香口，有一種意外驚喜，唔知係未D 海鮮真係幾新鮮，所以無論是剛才所提及的水煮魚，或這味蟹，都相當有鮮味，如果是在佐敦一間咁少的舖，有咁既質素，超出預期又算OK啦。
最後又試了一味店員極力推介的 - 麻辣魚春煲，外形有一點似炸獅子球，完全不能想像是魚春，配上一貫的水煮辣湯，及以火爐滾住上，KEEP住熱力，唔會讓辣油凝固在炸魚春上，感覺令原本油炸的魚春唔會油上加油，好有心思，而且，原本好似多功夫的魚春煲，只是$58，確實是可以推介，因為你食過後，就知其份量幾多，是物超所值。
至於用來飽肚而ORDER的擔擔面，就是一般，無特別COMMENT，如果有一點花生醬，可能適合香港人的口味。哈哈，或是究竟是不是正宗的擔擔面是無花生醬呢?
總括食後感，都幾抵食，但如果有多D朋友來會好D，可以試多D野。不過，當然，返到屋企，即刻有點擔心，會唔會太熱氣，明天起身會唔會多兩粒大暗瘡????? 又是海天堂的時候了....
Post