Promenade 西餐廳

Open Now

Now Closed

今日屋企人生日諗住去呢間四星級嘅酒店食自助餐，因為之前都有啲同事推薦過，原本我book咗晏就嘅，但係有啲突發事就打去改下時間，點知打到去呢間都會海逸酒店嘅自助餐部，接電話個人嘅態度急，又無耐性，我知道我哋突然想改晏就係太急，佢話淨係淨翻門口位得唔得，但因為屋企人生日我想安排佢哋盡量幫我安排一個好啲嘅位比我哋，但係接電話個個位小姐都未聽我講哂，就插句嘢落嚟問我「6:30入座你幾點入座」，聲仲要比我嘅語氣大聲，我覺得呢個服務態度同食茶餐廳無咩分別，我比得600幾蚊係嚟消費同享受下啲服務，點知比我嘅感覺完全係無咗四星級應有嘅嘢，我未食之前都睇咗好多openrice內嘅負評，我本來都唔信，但聽完呢個電話後，就比我感覺到接落嚟餐廳入面嘅態度都差唔到好多。希望佢哋真係可以改善下，要客人俾咁嘅價錢就比翻啲應有嘅服務水準。