Video
Read full review
2019-05-15
155 views
第二次泥食The Joomak，比起上一次餐牌上多左好多唔同嘅新菜式，有醬油蟹又有混醬炸雞，仲推出左多款限定食品，好似春夏限定嘅韓味鰻魚，同埋每個月都有一款限定嘅果味炸雞，四月巴西莓炸雞，五月紅火龍果炸雞同六月嘅白桃炸雞。呢到個景色真係好靚，我地去到個時本來有隻船泊左係到，點知落完order無幾耐，隻船就開走左，成個夜景無遮無掩嘅比我地睇哂。巴西莓炸雞 $198有幾塊我懷疑係菠蘿乾嘅果乾同埋瓜子鋪左係上面，增添口感，唔會淨係食雞塊咁膩，而巴西莓醬汁味道酸甜，食落好開胃，雞肉好嫩滑，咬落仲有肉汗，大約有8件炸雞，一人兩件其實都已經覺得夠。黑蒜芋絲泡菜煎餅 $138煎餅煎到好香，味道好特別，黑蒜甜得泥帶有小小苦，泡菜酸得泥帶有少許辣，加上豆苗好清新，而提子乾又有果香嘅甜味，咁多種味道偏偏又好配合，互相中和。卡邦尼年糕 $68韓式年糕crossover西式醬汁，年糕索左醬汁，有芝士同忌廉嘅味道，有芝麻香，一樣有豆苗增加左個清新感，亦中和左芝士同忌廉嘅膩。韓式烤牛肉木板 $158烤牛肉配上生菜真係一流，烤牛肉份量好多，一塊生菜包住幾塊牛肉食，滿口嘅肉香味，配上醬汁更加惹味。韓式牛肉炒飯 $98
呢到個景色真係好靚，我地去到個時本來有隻船泊左係到，點知落完order無幾耐，隻船就開走左，成個夜景無遮無掩嘅比我地睇哂。
巴西莓炸雞 $198
有幾塊我懷疑係菠蘿乾嘅果乾同埋瓜子鋪左係上面，增添口感，唔會淨係食雞塊咁膩，而巴西莓醬汁味道酸甜，食落好開胃，雞肉好嫩滑，咬落仲有肉汗，大約有8件炸雞，一人兩件其實都已經覺得夠。
黑蒜芋絲泡菜煎餅 $138
煎餅煎到好香，味道好特別，黑蒜甜得泥帶有小小苦，泡菜酸得泥帶有少許辣，加上豆苗好清新，而提子乾又有果香嘅甜味，咁多種味道偏偏又好配合，互相中和。
卡邦尼年糕 $68
韓式年糕crossover西式醬汁，年糕索左醬汁，有芝士同忌廉嘅味道，有芝麻香，一樣有豆苗增加左個清新感，亦中和左芝士同忌廉嘅膩。
韓式烤牛肉木板 $158
烤牛肉配上生菜真係一流，烤牛肉份量好多，一塊生菜包住幾塊牛肉食，滿口嘅肉香味，配上醬汁更加惹味。
韓式牛肉炒飯 $98
加左豆苗同蘑菇，所以我一路食一路覺得自己食緊西餐，好鍾意加左豆苗嘅感覺，覺得食咩都好舒服好清新，唔會食到膩，牛肉嘅份量好多，每一啖都食到。
板燒芝士菜盤(素食芝士) $98
芝士迷最愛，由自己親自燒，芝士份量自由控制，食材都好新鮮，有蘆筍，南瓜，茄子，豆腐，娃娃菜同菇。
紅棗草莓沙冰 $63 (左)
滿滿一大杯沙冰，好香草莓味，甜而不膩。
土耳其蘋果茶 $68 (右上)
蘋果香，自己加蜜糖控制甜度，飲落好舒服。
水果覆盆子紅醋 $129 (右下)
酸酸甜甜，飲落清新舒服。
Post
