四海遊龍鍋貼水餃專門店 (Closed)

原本出中環係想食添好運，但係超級多人排隊，因為唔想等位，最後唯有試下四海遊龍鍋貼。食物款式唔算多，既然係鍋貼水餃專門店，一於試下鍋貼同水餃。招牌水餃麵 - 望上去個湯好清，食落去個味道都係好清。水餃係足料有4隻，但水餃皮比較厚，味道一般。招牌鍋貼 - 再試招牌鍋貼 ，煎得算唔錯，但唔夠熱，同埋個皮好易爛，所以唔會話有肉汁係鍋貼入面，有D失望。最後其實最欣賞都係個豆漿，唔會太甜。整體而言，味道相當一般，食既時候記得加醋同辣椒油。但係以中環地區來講D個價錢算可以接受，但真係唔會特別來食。