四湯八麵

Open Now

Now Closed

收工在APM搵食，今日天氣好熱下，故想食下湯麵類別嘅嘢，見到呢間餐廳新開的四湯八麵，啱晒喜歡嘗新野嘅我。餐廳裝修得清新，環境乾坐得舒適。🍜蕃茄麻辣慢煮叉燒湯麵，湯麵內有好厚身嘅滷水豆腐，同2件鴨血，配合慢煮叉燒，叉燒半肥瘦，煮得夠晒淋又入味，蕃茄湯頭酸酸甜甜，麻辣入口帶點麻，食落特別開胃😚。老友點左🍜福建蝦麵套餐，食材豐富，有三隻大蝦🍤、迷你肉丸、糖心蛋同豆卜，我飲左湯同豆卜，湯底好鮮香味甜，豆卜索曬湯汁，好香口juicy。2碗都是配上油麵，麵質地爽滑，跟湯一併食更香滑。小食要了麻辣鹵鴨血豆腐，味道微微帶辣，鴨血同豆腐都煮得非常入味，夠晒惹味。小棠菜，新鮮爽口又夠翠綠。飲品跟餐配了熱冇糖豆漿，豆味濃郁夠晒健康。