Video
Read full review
2010-10-24
40 views
17-10-2010呢幢商/食廈的日本餐廳只試剩 7 樓及 18 樓, 是日唔想食生冷嘢, 捉了朋友先試 18 樓呢間. Set lunch 可選兩款食物, 另配前菜, 漬物, 白飯 (可免費添加), 味噌湯, 甜品及餐飲, 結果 2 人叫了 4 款不同的熟食, 完全係「四餸一湯, 白飯任裝」前菜係木魚汁腐皮 (係咪叫「生湯葉」?), 質地滑溜但咬落又幾爽口, 豆味香, 配上清甜的湯汁, 冰冰涼涼, 感覺十分清新, 正 漬物只食了牛蒡, 夠冰涼爽脆, 味道先少少鹹後帶點甘苦, 一般啱口味; 另見朋友食螢光黃色漬大根咬到「確確」聲, 應該幾脆口吧.冷豆腐配唔知乜嘢菜: 夠滑的, 豆味強勁, 配上少少另上的醬油及堆滿面頭的木魚絲, 當然多一份鹹香, 幾好食; 唔知乜嘢菜 (事隔太耐, 唔記得了, 哈哈...) 的莖部分好幼, 食落味道有點似菠菜, 又帶點西芹嗰隻爽脆, 唔知係乜?雜菌燴雞肉丸: 雞肉丸蘸粉炸過, 食落外皮帶點煙韌, 中間就軟軟腍腍;「雜菌」以金菇及靈芝菇為主, 芡汁就好杰又黏黏的, 果然係「燴」呀吓 , 撈點薑茸 (!) 感覺叫無咁膩 /「黐」, 不過整體實在太「中
17-10-2010
呢幢商/食廈的日本餐廳只試剩 7 樓及 18 樓, 是日唔想食生冷嘢, 捉了朋友先試 18 樓呢間. Set lunch 可選兩款食物, 另配前菜, 漬物, 白飯 (可免費添加), 味噌湯, 甜品及餐飲, 結果 2 人叫了 4 款不同的熟食, 完全係「四餸一湯, 白飯任裝」
前菜係木魚汁腐皮 (係咪叫「生湯葉」?), 質地滑溜但咬落又幾爽口, 豆味香, 配上清甜的湯汁, 冰冰涼涼, 感覺十分清新, 正
漬物只食了牛蒡, 夠冰涼爽脆, 味道先少少鹹後帶點甘苦, 一般啱口味; 另見朋友食螢光黃色漬大根咬到「確確」聲, 應該幾脆口吧.
冷豆腐配唔知乜嘢菜: 夠滑的, 豆味強勁, 配上少少另上的醬油及堆滿面頭的木魚絲, 當然多一份鹹香, 幾好食; 唔知乜嘢菜 (事隔太耐, 唔記得了, 哈哈...) 的莖部分好幼, 食落味道有點似菠菜, 又帶點西芹嗰隻爽脆, 唔知係乜?
雜菌燴雞肉丸: 雞肉丸蘸粉炸過, 食落外皮帶點煙韌, 中間就軟軟腍腍;「雜菌」以金菇及靈芝菇為主, 芡汁就好杰又黏黏的, 果然係「燴」呀吓 , 撈點薑茸 (!) 感覺叫無咁膩 /「黐」, 不過整體實在太「中華風」了, 唔啱食.
「本日燒魚」鹽燒鯛魚: 魚皮燒得極薄脆, 不過魚肉就較乾嚡了, 蘸了酸汁幫助都不大, 睇嚟鯛魚都係生吃較好? 旁邊的蕃薯就十分軟糯, 不過就甜到甩牙
紅酒漢堡牛肉: 漢堡牛肉「球」打得鬆軟, 肉味香, 不過最正絕對係醬汁, 雖然帶少少(紅酒嗰隻)苦澀, 但味道實在濃縮鹹香, 令人諗起東京たいめいけん半熟卵蓋飯旁邊的牛肉汁, 正 到呢度 d 飯已食得七七八八而且幾飽, 但結果係添了大半碗飯, 為的就係要食埋 d 汁 , 值得試試.
白飯簡簡單單, 不過日本飯煮得煙韌食落又富米香, 唔使我再解釋好唔好食吧.
細細碗味噌湯勁熱, 最後用嚟暖暖胃最好, 呢度的味濃而不鹹, 完全唔會口渴, 不錯喎.
甜品係 peach 配呍呢嗱雪糕: 新鮮 peach 清香多汁又香甜; 不過呍呢嗱雪糕更不得了, 質地極滑, 食落呍呢嗱味極香, 正 唔知係乜牌子0架呢? 還是係自家製?
熱咖啡: 店員推介呢度的咖啡比出面「靚 d」, 齋飲的確濃而不苦, 落 cream 落糖後就夠晒香滑, 滿足.
食物精緻, 配套亦十分好, 每人放低約 $170, 會再來的 -- 唔知幾時有機會夜晚來食懷石?
Post
