夏雪 (Closed)

是日早收工同同事兼大學老友搭個叮叮去西營盤食個tea，本身並非想黎呢間，但原本想去果間是日休息，所以openrice搵左係附近既呢間甜品店。（唔係擦鞋但個人認為openrice完全係對食方面黎講本世紀最方便既發明）由於時間尚早，店內只有一兩枱客，所以立即可以入坐。坐低後睇睇隔離左右食乜，就決定要個滿足到兩個抹茶控既抹茶特盛share，另加一杯咖啡。（因為有最低消費）稍等一陣，見到全部綠色既物體好開心！淋個綠茶醬落去果下好滿足，有拍片可惜呢度唔比擺片😂最鐘意個流心綠茶心太軟同紅豆小丸子，雪糕好快溶，蕨餅就唔太鐘意因為無咩味😅值得一試！