Video
Read full review
2020-06-04
966 views
隨著疫情有所緩和，不少酒店的自助餐己陸續重投服務，當中大部份變成放題形式，而真正自己出去攞既Buffet，並不多。帝京酒店既花月庭，大概是少數真自助餐的經營者。安全措施肯定做到足，入場前量體溫及搓手是必然事，每次出去攞嘢食都要戴上口罩，食物全蓋上了蓋，好讓大家吃得放心。出去兜個圈睇下有無咩唔同? 最受歡迎的生蠔依舊存在，美國產地巨大肉爽，可能是太耐無食buffet，感覺特別滿足。蟹腳、凍蝦、翡翠螺及青口等凍海鮮，拿一大碟回去與各位分差同味，蟹腳與龍蝦鉗自然是最搶手的一項目。熱食選擇豐富，除了每人會有一份的邪惡甘香鵝肝多士，以及香噴噴的焗龍蝦外，還有各式惹味串燒、天婦羅、吉列豬扒、澳洲和牛腰肉、香煎比目魚、檸檬燒春雞，燴牛肋條、川味豬手等，總的水準比預期好，每樣吃一點已十分滿足。凡惠顧星期一至四全時段自助晚餐的，每人會額外獲贈一隻明太子帆立貝北海燒，很惹味的一款，帶子質感又細嫩。每次來花月庭必吃的海南雞飯，今云我都沒有錯過。雖然由以往廚師砌靚俾你，變成自助形式，卻無損美味，保持一貫水準。燒豬腩肉、燒牛肉和燒羊架交替出場，食肉獸既筆者表示好唔得閒。刺身與壽司，是以前我或許會略過的項目，但當
隨著疫情有所緩和，不少酒店的自助餐己陸續重投服務，當中大部份變成放題形式，而真正自己出去攞既Buffet，並不多。帝京酒店既花月庭，大概是少數真自助餐的經營者。
安全措施肯定做到足，入場前量體溫及搓手是必然事，每次出去攞嘢食都要戴上口罩，食物全蓋上了蓋，好讓大家吃得放心。
出去兜個圈睇下有無咩唔同? 最受歡迎的生蠔依舊存在，美國產地巨大肉爽，可能是太耐無食buffet，感覺特別滿足。
蟹腳、凍蝦、翡翠螺及青口等凍海鮮，拿一大碟回去與各位分差同味，蟹腳與龍蝦鉗自然是最搶手的一項目。
熱食選擇豐富，除了每人會有一份的邪惡甘香鵝肝多士，以及香噴噴的焗龍蝦外，還有各式惹味串燒、天婦羅、吉列豬扒、澳洲和牛腰肉、香煎比目魚、檸檬燒春雞，燴牛肋條、川味豬手等，總的水準比預期好，每樣吃一點已十分滿足。
凡惠顧星期一至四全時段自助晚餐的，每人會額外獲贈一隻明太子帆立貝北海燒，很惹味的一款，帶子質感又細嫩。
每次來花月庭必吃的海南雞飯，今云我都沒有錯過。雖然由以往廚師砌靚俾你，變成自助形式，卻無損美味，保持一貫水準。
燒豬腩肉、燒牛肉和燒羊架交替出場，食肉獸既筆者表示好唔得閒。
刺身與壽司，是以前我或許會略過的項目，但當一段時間沒得吃，今次幾歹都唔放過。刺身又幾好食喎，壽司我就推介火灸海老，鮮甜可口。
飽得八八九九，見朋友拎左關東煮，我拿了少許來試，之後便要跳去甜品環節。
甜品係今次既主角，皆因是與Kit Kat合作，一系列的出品都帶有Kit Kat的影子，而且賣相花心思。
吃一件三角琴造型既朱古力草莓忌廉蛋糕、以Kit Kat朱古力條圍邊的紅嗓子慕絲蛋糕、芒果朱古力千層酥，以及綠茶柚子白朱古力撻後，飽得幾乎獲利回吐。其餘的甜點如葡撻、雞蛋仔，甚至Movenpick雪糕等，恕我無食力品嚐。
Post
