227甜棧 (Closed)

同朋友食完晚餐就喺附新搵甜品店，離遠見到間227甜棧就過去啦，行到門口見到好古代feel，如果單睇佢嘅門面設計真係估唔到佢係甜品鋪。坐底睇餐牌第一件事就係睇吓有無特別嘅嘢食，即係平時好少見到或食到。最後我選擇咗雪糕椰汁燕麥露，因為我覺得用燕麥嚟做甜品比較少見，所以就算飽都要試吓。而我朋友就叫咗芒果小丸子白豆腐花同埋雪糕紅豆綠茶布甸。送到嚟嗰時因為d燕麥比椰汁遮住晒，所以賣相比較普通。燕麥食落嘅口感比較硬，而椰汁溝埋少少溶咗嘅雪糕之後會比較甜。朋友嘅芒果小丸子白豆腐花都幾大碗，芒果加埋豆腐花雖然比較普通但都好好味，豆腐花好滑，不過小丸子就麻麻地。至於雪糕紅豆綠茶布甸，朋友話d綠茶布甸都唔錯。