Video
Read full review
2015-04-24
323 views
靚女friend約 Happy Friday，想坐耐d傾耐d，佢提議去七重天，我聽個名以為好中菜 style，去到見到間餐廳即刻眼前一亮！好有驚喜！好有情調嘅懷舊裝修，勁多靚靚影相位。有懷舊唱片機，仲要有金咪俾我扮嘢！哈哈！VIP房仲正！有張龍椅梳化，可以扮埋古代貴婦！忙完影相就坐低開始飲飲食食，對住 Times Square，坐住大梳化，真係好梳乎！唔飲得酒嘅我，叫左杯「思南路」Mocktail，味道似蘋果茶，因為有 Earl Grey 同蘋果汁，甜甜地，好味道！我個 friend 飲得酒，叫 bar tender 介紹有乜好飲，bar tender 整左「七重天」俾佢，整到著曬火！七杯都唔同味，其他客都有叫，我個friend 最後揀左杯藍色嘅薄荷味。睇完 bar tender 嘅精彩表演就返埋位食嘢，叫左幾碟串燒，碟碟都好滋味！首先係黑毛豬，一咬落去超軟超多汁，夠肥，有脂肪香，好正！再上一碟浮誇嘅金萡冬菇，其實金萡無乜味，但造型勁搶眼，菇燒得啱啱好，睇落矜貴但價錢唔貴。明太子雞翼都好好味，脹卜卜，明太子又香口，雞肉又嫩滑，食左三隻！食完串燒仲有d唔夠飽，所以再叫左份 set din
靚女friend約 Happy Friday，想坐耐d傾耐d，佢提議去七重天，我聽個名以為好中菜 style，去到見到間餐廳即刻眼前一亮！好有驚喜！好有情調嘅懷舊裝修，勁多靚靚影相位。有懷舊唱片機，仲要有金咪俾我扮嘢！哈哈！
VIP房仲正！有張龍椅梳化，可以扮埋古代貴婦！
忙完影相就坐低開始飲飲食食，對住 Times Square，坐住大梳化，真係好梳乎！
唔飲得酒嘅我，叫左杯「思南路」Mocktail，味道似蘋果茶，因為有 Earl Grey 同蘋果汁，甜甜地，好味道！
我個 friend 飲得酒，叫 bar tender 介紹有乜好飲，bar tender 整左「七重天」俾佢，整到著曬火！七杯都唔同味，其他客都有叫，我個friend 最後揀左杯藍色嘅薄荷味。
睇完 bar tender 嘅精彩表演就返埋位食嘢，叫左幾碟串燒，碟碟都好滋味！首先係黑毛豬，一咬落去超軟超多汁，夠肥，有脂肪香，好正！
再上一碟浮誇嘅金萡冬菇，其實金萡無乜味，但造型勁搶眼，菇燒得啱啱好，睇落矜貴但價錢唔貴。
明太子雞翼都好好味，脹卜卜，明太子又香口，雞肉又嫩滑，食左三隻！
食完串燒仲有d唔夠飽，所以再叫左份 set dinner，有沙律、湯同羊排。沙律落左酸甜汁，好開胃，有泰色風味。磨菇湯用杯裝，超濃，充滿磨菇茸。羊排煎得啱啱好，排靚，好食。
食完繼續傾傾傾，坐足四粒鐘！以後想喺銅鑼灣飲嘢，會再上黎！Bar tender 同 waitress 都好 nice!
Post
