Hugo Le Resto Grill (Closed)

天氣不似預期，但肚餓總要食。去完SOGO買銀包送俾母親大人，就帶左佢黎HUGO呢度食晚飯，一來方便二來係滿足佢食BUFFET嘅想法，雖然呢度只係食半自助BUFFET，但質素同樣有保證。沙律吧：選擇唔算好多，都係幾款沙律菜／粟米豆／秋葵等等。但絕對夠食，啱晒我呢嘅有食物選擇困難嘅人。其中最回味係個醬汁螺絲粉，只係以香草／白醬同煙肉調製就已經好惹味，螺絲粉好有咬口煙韌，吸埋醬汁好味到食左四碟。再加灑上少少脆煙肉碎，口感風味一流。龍蝦湯：濃郁嘅甲殼類香味令其生色不少，湯品唔算杰身所以最啱係撕碎麵包落去，混和埋一齊就可以增加口感及味道。牛油果三文魚炒飯：三文魚及牛油果各佔一半，所以食落唔會偏重一邊。牛油果加熱後香味無咁強烈，配上魚肉味道十分討好，加上飯粒炒得乾身有咬口，幾好食。安格斯牛腹肉：以鐵板上枱並用小蠟燭保持溫度，五成熟嘅要求做得啱啱好，牛肉入口較為結實油脂唔算太強，但牛味香濃甘甜。沾上些許黑椒汁提升辣度，滋味一流。甜品：兩件一口芝士餅分別係藍莓及咖啡味，味道香滑唔太甜。尤其鐘意芝士餅嘅香味，配上咖啡好好食。咖啡：即磨咖啡好香濃，飽餐過後最啱用黎消消膩。簡單嘅一杯咖啡，為滿足嘅一餐劃上完