鋒味 By Beyond Dessert (Closed)

每逢佳節胖三斤，中秋佳節又點可以無月餅！今年買咗 鋒味盈月禮盒 ! 包裝以黑格金字做主色，夠晒型格！包裝型格固然重要，但最吸引我嘅巴馬火腿蓮蓉月餅，火腿磨到細碎完全融入蓮蓉之中，每一啖都食到兩種材料。火腿咸香同粒粒口感，配上蓮蓉嘅香甜軟滑，互相襯托，好味呀!本身以為明星效應，都唔敢期望太高。殊不知食落又真係好有驚喜，蓮蓉不太甜，所以唔會覺得”漏”. 唯一覺得美中不足係蛋黃略嫌少咗d！我一向食月餅都係為咗個蛋黃架咋！下次會再去買下d曲奇試下，聽朋友講都有一定水準架！