Video
Read full review
2017-10-02
157 views
今日假期，約咗去朋友屋企打返幾圈。大家都心急開枱，諗住都係輕食算，所以就喺樓下搵間茶餐廳，點知連茶餐廳都係咁多人，反正要等位，朋友就帶我地食台灣嘢。上次就係同呢位朋友去台灣旅行，仲晚晚去掃街，今次就即管回味一吓。餐廳偌大寬敞，燈火通明。近厨房嗰邊嘅黑板畫左啲食物、飲品嘅畫，有杯叫人魚的眼淚，好靚咁喎。今日係假日，依然有午巿套餐。套餐包括主食同一杯飲品，冬瓜茶或黑糖薑母茶。加$6可轉冷飲，加$8可轉特飲。台灣特飲咁出名，一定要叫啦。每個餐都奉送小食，可以食完先，唔夠喉加$18就有一客小食，全部都係台灣地道夜巿小食，選擇都唔少，幾吸引咁喎，即管試吓~~【夜巿燒香腸】去親台灣掃街必食嘅燒香腸，落咗蜜糖燒，甜甜地又夠惹味。【酥炸花枝丸】花枝丸炸到熱辣辣，一上枱已經急不及待夾嚟食。炸到皮薄香脆，入面白雪雪嘅墨魚肉，墨魚味濃郁，點上酸甜醬好開胃，我地好快就掃晒。【人魚的眼淚】有芒果汁、檸檬汁、蜂蜜，味道都幾balance，三種味道都飲到。淺紫藍色嘅手工藍珍珠，好吸睛。【芒果沙冰】芒果味香甜，沙冰飲落涼浸浸，消暑一流。【溫泉蛋鮮蝦擔仔麵】麵條煙靭彈牙，上面啲肉燥味道十足，仲有我最like嘅芫茜，增加
餐廳偌大寬敞，燈火通明。
近厨房嗰邊嘅黑板畫左啲食物、飲品嘅畫，有杯叫人魚的眼淚，好靚咁喎。
今日係假日，依然有午巿套餐。套餐包括主食同一杯飲品，冬瓜茶或黑糖薑母茶。
加$6可轉冷飲，加$8可轉特飲。台灣特飲咁出名，一定要叫啦。
每個餐都奉送小食，可以食完先，唔夠喉加$18就有一客小食，全部都係台灣地道夜巿小食，選擇都唔少，幾吸引咁喎，即管試吓~~
【夜巿燒香腸】去親台灣掃街必食嘅燒香腸，落咗蜜糖燒，甜甜地又夠惹味。
【酥炸花枝丸】花枝丸炸到熱辣辣，一上枱已經急不及待夾嚟食。
炸到皮薄香脆，入面白雪雪嘅墨魚肉，墨魚味濃郁，點上酸甜醬好開胃，我地好快就掃晒。
【人魚的眼淚】有芒果汁、檸檬汁、蜂蜜，味道都幾balance，三種味道都飲到。
淺紫藍色嘅手工藍珍珠，好吸睛。
【芒果沙冰】芒果味香甜，沙冰飲落涼浸浸，消暑一流。
【溫泉蛋鮮蝦擔仔麵】麵條煙靭彈牙，上面啲肉燥味道十足，仲有我最like嘅芫茜，增加香味。蝦都夠鮮爽，可惜就只得一小隻，多幾隻就更好。
食得呢個麵梗係要拮穿隻溫泉蛋，撈埋蛋汁食令個麵更香滑又有蛋香。
【紅燒牛肉麵】大大棵小棠菜，大大舊白蘿蔔、紅蘿蔔。
牛肉有三片，食落軟腍，味道OK，不過湯就唔夠濃味。
叫得饕鍋物，當然有火鍋食。門口餐台式手工火鍋套餐，每位$200都唔駛，6種湯底選擇，全部都好地道台式，仲可以免費轉雙拼鍋。除咗湯底同肉，仲包台式主食(肉燥飯、新竹米粉等)、台式小食、台式飲品、甜品、配料等等。下次可以試吓~
Post
