Coffee Lover (Moved) New Location

做學生真係好好，唔單止買咩都有學生價，連飲咖啡都係學生價錢，但就有超水準質素！今次就試咗Rose Matcha Latte, 雖然行到過黎可能好熱，但凍飲係冇拉花架嘛，所以都建議大家嗌返熱飲！首先係拉花同擺盤裝飾真係好靚好有心機，淨係攞黎影相呃like都抵！飲落咖啡同奶嘅比例相當好，幼滑唔會澀口，抹茶味亦恰到好處。我地仲嗌左一個芝士撻。芝士撻食落有點普通，而且可能因為唔夠熱，唔算太特別，不過送咖啡都係好好嘅選擇。一定會推介朋友入黎中大記得黎嘆杯咖啡，老闆亦好Nice!