我愛慢煮 (普慶坊) (Closed)

今次特登去上環普慶坊試吓呢間我愛慢煮既餐廳，因為響我心目中慢煮食材，可以保留鮮味，而且肉質會好淋，所以十分期待，入到餐廳，以紅磚為主的裝修，甚有外國風格，還有烏絲吊燈，帶點古堡味道，燈光柔和，餐廳貼心地安排了自製消毒搓手液送比客人，仲要每人送一支，都好揼本，先叫了小食，炸甜番薯條，外皮夠曬脆，味道甜甜的，點上松露沙律醬，味道即是昇華，食到停唔到口。另外叫了前菜，燒露筍苗$28，夠曬幼嫩，清甜。還有芝士温泉蛋大啡菇$36，雖然隻菇烤過，但仍好juicy，芝士忌廉菠菜苗$32，忌廉味好出，唔會太溜，到主角，慢煮烹調的法式豬鞍架$138，燒得剛好，好脆嫩，中間燒得剛熟，肉質滲出，又夠多肉汁，肉味好鮮甜，而外皮有香草及微微焦香。⁣⁣⁣另一菜式，好獨特有墨西哥粟米花$28，面層搽了牛油，而粟米夠清甜，健康之選。飲品叫了荔枝接骨木花特飲$38，冰涼解渴，另一杯係泡沫熱咖啡$32，夠香濃。甜品都唔少得，叫了草莓醬比利時窩夫配意大利雪糕$38，窩夫脆口，賣相好靚。