湘川滬 (+WOO嘉湖二期)

Open Now

Now Closed

朋友介紹左我去天水圍嘅一間上海菜，唔去唔知，去到先知道原來銀座商場裏面有一間咁出色嘅上海菜，適逢食飯時間，都好多人架，但係好彩，啲枱都夠晒大張，坐低都好舒服。頭盤方便我哋叫咗個醉豬手，雖然係冷盤，但係份量一啲都唔細，食落爽趣，仲有少少酒嘅香氣，未食已經聞到芬香撲鼻啦。回鍋肉炒年糕，份量好多架，回鍋肉晶瑩剔透，年糕唔會好淋，咬落煙煙銀銀QQ蛋蛋，果然夠晒正宗啊。酸菜魚，魚嘅份量好多，切得博新，但係肉質紮實，唔會一夾就散，而且最重要嘅係冇骨，啖啖肉，酸菜魚個湯底味道適合香港人，唔會好辣，酸菜份量又多，下面仲充滿好多粉絲，好味到連渣我哋都食埋啊。蔥油餅，十分之香脆，裏面嘅聰份量都好多，咬落淡淡香口。食上海菜，又點少得小籠包啊，有四件，咬落裏面嘅湯汁都已經流晒出嚟， 10分之多，夾嘅時候真係要小心啲呀爭啲辣親我個仔，肉味十分之鮮。皮薄餡靚，真係食到停唔到。