湘川滬 (+WOO嘉湖二期)

Open Now

Now Closed

family day 起屋企附近搵食今晚想食 片皮鴨。咁岩天水圍有間食片皮鴨星期一至四 $98 半隻松子魚 $138 超抵食片皮鴨還可以 唔算太油 ，但欠缺香口味，太瘦 松子魚都是還可以 不過有d感覺over cooked 但味道食 甜甜酸酸 。。。其餘都叫左 小籠包 + 煎鍋貼 + 炒飯 + 上海粗炒+臭豆腐6個人食 "total 埋單$1000family day 唔錯之選..價錢合理 味道不錯

裝修後環境好左， 見到啲舊員工覺得好親切， 又好好笑容，雖然等得耐左少少，我問佢是否要等好耐，佢話好快，叫我等多陣，有許多枱都差唔多，之後我就等下。但食物質素比之前差D，不過都可以。

我想反映一下，天水圍店的一位樓面員工態度很差，我訂位時同我講晚上8點先有位，當我準時到達時表示未有座位安排，我問原因佢就講訂位只係優先入座而唔係有座位，講完就走開冇再理會我，而後有其他訂位客到達時員工就安排遲來的人入座依然不理會我，直至我語氣加重再問時竟叫我自行入店找位座，并表示歡迎投訴，現在想問問貴公司待客方面是否按店家所示時間準時到達就要受佢如此對待，若果訂位後沒能安排座那訂位來做甚麼，叫的對我說表示隨便投訴，貴公司真的令我印象深刻。

我已電話訂台8點鐘，要求坐卡位。去到報到，等左陣安排了圓枱。我要求坐卡位，支客態度變差。話我無要求，我話訂枱時講左，佢堅決話無。佢話卡位要等三張。同我講要轉返圓枱就同佢講，即係局我要。支客態度惡劣，我決定吾幫襯，又一間餐廳比支客員工攪衰晒。

入到嚟嘉湖山莊都算幾多嘢食嘅，想食小籠包就嚟試吓佢個小籠包都算皮夠薄，如果再熱啲就好，仲有食咗個瑤柱蛋白飯都正正常常，舖頭都算闊落坐得舒服，價錢唔算貴都可以食吓

裝修重開之後，地方舒服咗，茶具靚咗，食物賣相品道好咗，服務差咗，服務員質素低咗。新裝修佈置座位都很美觀，卡位都特別舒適。新茶具都用上同一個花款，多咗幾分優雅細緻。食物都比以前齊整好看，上碟都有特色。但服務明顯更加差了，完全同環境食物形成很大落差。店員態度傲慢又操心大意，還有店員直說下午茶截數後就會關燈，給廚房大佬出來休息，一枱食物都要摸黑用膳。這樣嘅待客之道，真令人摸不着頭腦。正所謂金玉其外，敗絮其中。原本覺得可以一再光顧，但最後都係不想再來。

新裝修後 第一次去食 改咗用Tiffany Blue為主調色😅·羊腩煲未裝修前 買過返屋企食份量好似比以前少左D可能係個煲細左 羊肉好淋 而且都幾大舊 腐竹都好入味 仲送左碟生菜🥬·酸辣湯味道同以前一樣 辣度適中 酸辣口味真係好開胃 好好味🤤·瑤柱蛋白炒飯最鍾意佢地嘅瑤柱蛋白炒飯 炒得好乾身 粒粒分明的口感 鹹度也適中 好味😋·炸銀絲卷炸得外脆內軟 配上煉奶食 完美😍·小籠包湘川滬嘅小籠包 在香港食到嘅嚟講 真係算唔錯👍🏻

作為天水圍街坊，銀座食市當然熟到不得了啦，唔知道佢係咪重開咗，連廚師都唔同咗，之前食菜式通常都係有好深顏色冇乜味道，選擇食佢通常都係因為有折，餐廳主要以川菜為主，已經好耐冇食過佢！前一陣子打風冇咩選擇，落樓見到佢大排長龍！就再試一試，竟然點心出其好食，特別係嗰個黑松露餃，連食咗兩籠，今次夜晚都試一試佢，叫咗幾個餸，買相都非常之靚仔個蟹粉豆苗最令我驚喜，而家難得煮得唔油膩！味道岩岩好，下次可以再返食

裝修重開梗係要試下香辣豬大腸～大概有12件～唔算太辣～份量十足冷盤叫左海蜇鎮江淆肉～8件正常無乜特別小籠包～有一湯匙既湯汁，湯汁都清甜唔會太咸，皮可以再薄dd松子魚一般般雪菜肉絲炒年糕要厚切份量十足，年糕煙un唔會太淋，好欣賞甜品叫左高力豆沙～好有驚喜～好似梳乎厘既口感好鬆化～熱辣辣，豆沙餡算多唔太甜，食兩個都唔會膩酒釀南瓜小丸子～好多小丸子勁飽要兩個人先食得晒小丸子個人建議唔好煮咁淋少左煙un口感，食到尾會一pat野咁……

湘川滬的菜單結合了湖南和上海兩種菜系，提供了多種美味的選擇。我在這裡品叫了招牌菜，紅燒肉和小籠包。紅燒肉色澤紅亮，肉質鮮嫩，入口即化。湯汁入味，讓人回味無窮。小籠包外皮薄而有彈性，內餡豐富多汁，非常美味。他們的湘菜和滬菜都表現出了地道的風味，口味獨特。除了招牌菜，湘川滬還提供了許多其他美味的菜餚。我試了他們的麻婆豆腐和蔥油拌面。麻婆豆腐口感豐富，辣味十足，配料搭配得宜。蔥油拌面麵條彈牙，蔥油香氣四溢，是一道輕爽可口的選擇。他們的菜餚味道均衡，口感出色，絕對能滿足不同人的胃口。

呢個釀青紅椒大點$25.8仲未計加一用嘅椒合埋可能都先一條Excuse me 冇嘢啊嘛縮水縮到咁其他酒樓都冇離譜至少4條都會係長嘅完整一條而唔係得半條再分開扮4條見到真係笑咗裝修咗之後真係唔掂服務態度同上叫人冇人應茶壺空咗放枱邊冇人補啲空碟冇人收你哋係咪唔夠人啫搞到好似叫天不應叫地不靈咁但偏偏呢間嘢仲要好乸多人排隊由8:05左右到9:15 先有係啦終於等到位入得去坐啦環境觀感okay至少光線充足呢個係唔錯不過嘢食方面Ah Ha陳皮牛肉球冇任何一絲陳皮棉花雞棉花直接「唔熟」

🍴海苔鮮蝦腐皮卷 ($25.8/大點)蝦既份量唔少 加埋海苔都好夾 個皮都夠脆 其實幾好味 可惜d油未吸得夠 變左都幾油淋淋🙈🍴蜜汁叉燒包 ($21.8/中點)呢個有驚喜！個包幾軟熟又唔會好黏口 個汁又調得幾好 鹹甜適中 叉燒都唔少又唔會太柴👍🏻🍴招牌蝦餃皇 ($28.8/特點) 蟹籽燒賣皇 ($28.8/特點)呢兩樣就正常發揮 燒賣既豬肉肉質都ok 唔會太實🍴陳皮牛肉球 + 香煎蘿蔔糕 ($41.8/孖寶)牛肉球都係正常發揮 唔會太粉 但係就無乜陳皮味蘿蔔糕煎得好香 而且入面都有唔少蘿蔔絲 有咬口得黎好夠濕潤🫶 可惜蘿蔔糕無乜料 得少量既無乜味細細塊既臘腸🥹🍴茶位 (平日每位$10)呢度翻新過之後裝修幾靚 感覺寬敞左 不過飲茶時段太多人 都係要撘枱🙈點心都比以前好食左 可能轉左師傅🤣不過服務都照舊普普通通😂

中菜其中一樣最愛就係上海菜🥹 今次趁下午茶食呢間聽男朋友講都好食既餐廳！結果無失望(›´ω`‹ )🍚 糖醋排骨飯 $5x唔係想像中黑色既陳醋～ 比較似咕嚕豬扒🤣 不過少有地多肉少菜！仲要勁大舊 都幾滿足(๑•᎑•๑)🥢 上海粗炒 $63好好食( ´•̥̥̥ω•̥̥̥` ) 好大盆之餘 啲麵條入味但係口感同時保留到 唔會一pat 野 亦都唔會好油！食到停唔到口🥹🥹🥹🥚 鵪鶉蛋燒賣 $大點 懷舊菜式既感覺 其他地方比較少見～ 有好大粒原隻蝦係入面(*´˘`*)♡🍖 花雕醉雞翼 +$26好香花雕酒味但係又唔會太重！雞翼都好大隻 食到啖啖肉(›´ω`‹ ) 調味亦剛剛好同入味 好鍾意🥹值得回訪！不過午市同晚市應該會貴啲🤣 建議等夠 2 點先黎食

難得一家人飲茶，唔想成日食黎食去都係嗰幾款點心，今次喺天水圍見到呢間湘川滬🤭，一於試下佢。選擇好似都幾多，除左點心仲有上海菜，好似上海粗炒，年糕等等😏。不過一早都係想食下點心，呢度都有D幾特別既款式，出面都比較少見。上海年糕蒸排骨，呢款做法唔錯，因為用年糕墊底，可以吸收排骨既肉汁，年糕煙韌惹味，不錯！鵪鶉蛋燒賣，古老既一款點心，不過呢度整得麻麻地，燒賣一夾就散，鵪鶉蛋完全分離，食得好論盡😅。黎得呢度我覺得必食小籠包👍👍，皮唔太厚亦唔算好薄，反而我覺啱啱好，包住所有既湯汁，豬肉肥瘦適中，所以比較軟滑，上枱時熱辣辣，必食推介😋😋。反而生煎包就唔太好食，餡料比較少，同埋有少少雪味，包皮過厚，令到整體乾身左D🥲，可以不試。鼓汁蒸鳳爪，只係正正常常，無咩特別。糖醋魚塊有驚喜，魚塊炸得香脆，糖醋汁掛喺魚塊上面，口感一流🤗。今次食呢間湘川滬，覺得比平時酒樓飲茶好，因為可以選擇食上海菜，最喜歡係小籠包，其他食物就有好有唔好，如果住得遠就唔需要專登入黎食🤭。

推薦花膠獅子頭，好入味好正！其次雞絲粉皮都好食！仲有食黃金蝦仁炒飯，ok好食但會好易滯其次夏天去的話，如果又需要出室外，建議坐去近美國冒險樂園個邊會涼啲👍🏻