新泰東南亞餐廳 (Closed)

香港係美食之都，原因係當你相想食任何一個國家嘅菜式時，都可以即刻搵到， 今次小妹就係突然想食泰國菜。同事介紹我食呢間新泰東南亞餐廳， 一上到去門面非常之東南亞style，職員亦十分友善。選擇十分之多，最後決定叫左個冬陰功雞湯，泰式蝦炒金邊粉，蒜蓉牛油雞翼，甜品仲有個芒果糯米飯。冬陰功湯十分之惹味，唔會太酸唔會太辣，同男朋友不斷飲湯，但啲雞就比較普通，冇什麼特別。金邊粉份量超多，味道亦正常。雞翼好好味，唔會太膩，亦炸得十分香口好重牛油味。最後嗰芒果糯米飯仲要係黑白鴛鴦，為整餐飯畫上完美句號。