千之味刺身壽司專門店 (雅都花園)

Open Now

Now Closed

今個月要慶祝爸爸媽媽結婚周年紀念，聽到朋友介紹呢間壽司店好高質，就試下外賣返屋企慢慢食！店舖裝修得好乾淨企理，對於食刺身壽司嘅客人嚟講，係信心保證（亦係必要嘅保證）！壽司同刺身嘅選擇非常多，而且數量都可以揀，當然叫越多就越抵啦。落單之後，就見到廚房裏面師傅開始準備，確保新鮮！而令我驚訝嘅係，廚房同冷凍櫃嘅位置同鋪面差唔多大，睇得出店主好有誠意，要確保食材新鮮同乾淨。當然最重要嘅係食物質素非常高！例如必食嘅三文魚刺身都好厚身，而且肥瘦均勻，建議唔加豉油，直接食佢鮮味！甜蝦比平時見到嘅大條好多，而且肉質好Q彈，完全冇腥味，非常新鮮。另外都好推薦大家試吓三文魚忌廉芝士卷，喺其他地方比較少見嘅選擇。忌廉芝士嘅Creamy加上三文魚嘅鮮味，成件事好有趣，食完想再食！值得一提嘅係，唔好睇佢店舖細細，但都有提供全港外送服務。而且亦都有好多定食，便當，丼飯嘅選擇，價錢都相當合理！係值得推薦嘅好地方。