尚鮮日式燒肉漁市場 (Changed Hand) New Restaurant

喺依一日約好咗朋友仔去銅鑼灣買下嘢、行下街同食下嘢。晚餐揀咗好耐都唔知食乜好，於是我靈機一觸上咗去啲飲食網站揀咗一間叫做尚鮮食日本燒肉料理日本放題自助餐，因為見到佢可以任食我嘅摯愛和牛同同所有刺身，所以當然要去試一試薈一薈佢睇下乜葫蘆賣乜藥啦！入到門口侍應就安排我哋坐喺單邊嘅座位, 啲座位都好闊落沒有壓迫感, 坐低咗之後侍應就立即介紹有d咩好食, 轉頭就攞8樣款式嘅A4A5超新鮮嘅和牛拼盤過嚟仲有乾冰襯托真係好夢幻, 哈哈！食到咁上下侍應又拎咗一盤海鮮拼盤過嚟畀我哋品嚐, 有虎蝦、青口、帶子、鮑魚, 兼且放題少有嘅蟹膏加蛋真係冇得彈, 睇賣相已經贏曬！食到咁上下我哋再用放題提供嘅iPad再點嘢食, 我梗係二話不說揀啲貴夾唔飽自己又鍾意嘅嘢食啦。話時話真係好多選擇睇到我眼花繚亂, 樣樣睇落都好好食好想揀, 但係肚子不聽話食唔曬咁多睇落好食嘅嘢食！刺身當然少不了, 啲三文魚刺身仲係大大塊好厚肉, 兼且好新鮮好好味仲有蒜蓉燒生蠔真係食唔停口, 雪櫃仲有好多飲品，任你攞, 臨走仲有Movenpick好味的雪糕一人一盒！雖然比一般嘅放題貴咗少少但係始終覺得物超所值, 回味無窮下次一定再帶朋友嚟再