Video
Read full review
2023-11-23
23 views
朋友新居入伙，搬咗去裕民坊，終於有機會上去參觀，順便喺樓下個靚靚商場食埋晚飯花園平台有好幾間餐廳，我哋就揀咗依間泰國嘢，有套餐，都幾吸引二人套餐/四人套餐，淨係睇餐牌嘅相片，就已經覺得好吸引，選擇好多，花多眼亂！仲有甜品Menu 睇完已經即刻決定，要留肚！食甜品！餐湯：冬陰功湯呢個湯有好濃郁嘅蝦味，微微酸酸地，幾順口泰北豬頸肉芒果沙律帶有少少脂肪嘅豬頸肉，同酸may may既芒果絲結合，口感豐富，非常醒胃！香葉肉碎蘑菇沙律配生菜就好似生菜包咁，不過個肉碎幾特別，加入咗蘑菇，更好咬口👍🏼👍🏼用蘑菇取代一部份嘅肉碎，感覺仲比較健健康康添街頭虎蝦炒金邊粉大大隻虎蝦，好肉地👍🏼👍🏼金邊粉似模似樣，配有花生碎，辣椒碎同埋脹卜卜嘅芽菜，味道微微甜甜地，好食重頭戲，一定係甜品，非常有驚喜！泰式街頭椰子雪糕，係有兩球超濃郁椰子味嘅雪糕㗎 ！配上腰果、椰奶、粟米，係非常夾！超級泰國🇹🇭風！極力推薦！椰子沙沙芒果雪條凍呢個係非常之驚喜🔥🔥好大杯！咁啱有小朋友經過，都眼定定😂😂芒果雪條係非常濃芒果味，口感係軟綿綿，而唔係好水嘅果汁冰！椰子沙沙又係，椰子味極濃郁。佢哋嘅甜品，真係做得非常非常出色！環境靚，坐得
花園平台有好幾間餐廳，我哋就揀咗依間泰國嘢，有套餐，都幾吸引
二人套餐/四人套餐，淨係睇餐牌嘅相片，就已經覺得好吸引，選擇好多，花多眼亂！
仲有甜品Menu
睇完已經即刻決定，要留肚！食甜品！
餐湯：冬陰功湯
呢個湯有好濃郁嘅蝦味，微微酸酸地，幾順口
泰北豬頸肉芒果沙律帶有少少脂肪嘅豬頸肉，同酸may may既芒果絲結合，口感豐富，非常醒胃！
香葉肉碎蘑菇沙律配生菜
就好似生菜包咁，不過個肉碎幾特別，加入咗蘑菇，更好咬口👍🏼👍🏼用蘑菇取代一部份嘅肉碎，感覺仲比較健健康康添
街頭虎蝦炒金邊粉
大大隻虎蝦，好肉地👍🏼👍🏼金邊粉似模似樣，配有花生碎，辣椒碎同埋脹卜卜嘅芽菜，味道微微甜甜地，好食
重頭戲，一定係甜品，非常有驚喜！
泰式街頭椰子雪糕，係有兩球超濃郁椰子味嘅雪糕㗎 ！配上腰果、椰奶、粟米，係非常夾！超級泰國🇹🇭風！極力推薦！
椰子沙沙芒果雪條凍
呢個係非常之驚喜🔥🔥好大杯！咁啱有小朋友經過，都眼定定😂😂芒果雪條係非常濃芒果味，口感係軟綿綿，而唔係好水嘅果汁冰！椰子沙沙又係，椰子味極濃郁。佢哋嘅甜品，真係做得非常非常出色！
環境靚，坐得舒服，如果放假，或者下晝落嚟飲杯嘢，嘆個甜品，都幾寫意👍🏼
Post
