好好肥牛雞煲店

Open Now

Now Closed

今晚約左好耐冇見嘅朋友，一行六人齊娃娃去打邊爐。友人介紹呢間好好肥牛雞煲店，諗住都係食火鍋米即管試下。先泥一個象拔蚌熱下身。超正呀！一上枱個個忍唔住相機食先。既新鮮又爽口，同埋你會發現師父嘅刀工好得，厚度適中，大家好快KO了。意式田園蔬菜窩。出面蕃茄湯底食得多，但用到意大利蕃茄呢就第一次試。個湯好濃好香茄味，份量又多，加上新鮮椰菜同粟米，正呀！雪花肥牛丶牛𦟌丶本地牛都超級正。店長好用心教我地點先灼得好味。左右來回淥四下，瓊乾水，等牛肉瑣住肉汁，再左右來回淥四下。信不信由你，食落真係同普通烚下烚下係有分別。即叫即包溫吞丶水餃同九菜餃。一句講哂，皮薄餡靚！蝦丸同墨魚滑～脆肉鯇完全冇得頂。既新鮮食落好煙韌又唔腥，烚完唔會散哂，比個👍🏻鮮炸響鈴，呢個晤係烚係即食架。唔記影個酸甜汁，都幾特別。飯後甜品桂花糕問豆沙鍋餅。桂花糕啖啖都係料。豆沙鍋餅仲正，個皮好香蛋味，食落一啲都唔漏，我地仲encore多一碟添！我認為舖頭坐無虛席，其一就係食材新鮮好味道，其二就係店員個個都好nice，招呼好周到。其三就係價錢幾公道。店長話天氣凍啲可試胡椒豬肚湯底。好！就為呢個湯底籌備下一次嘅約會