打邊爐海鮮火鍋燒烤店 (Closed)

去土瓜灣搵朋友聚一聚舊，朋友帶咗我去一個隱世小店，佢話依度啲打邊爐好好食。咁當然係聽地膽話啦！舖頭位於巷內，不過招牌好大！唔會搵唔到去到！入到門口，都係得十幾張枱左右，地方唔大但係勝在光線充足企理，餐具亦好整潔，讚！牆身貼滿左招牌火鍋嘅相片，仲有魚缸供應海鮮！除咗火鍋都有其他小菜可以食嘅。就朋友唔食得蟹，我哋就揀咗個半隻麻辣雞煲丶一碟細嘅象拔蚌刺身同埋一碟細嘅手切牛頸脊。等左一陣間就有得食啦首先係架象拔蚌刺身，雖然係叫細碟但係都有好多塊夠晒兩個人食有突。食落好爽甜，好新鮮我哋兩個食到停唔到口。食完個刺身，雞煲就嚟啦滾一滾就開個係食得啦。一開已經聞到勁香嘅麻辣味，店家不計成本佢哋用新鮮雞來做雞煲，真係買少見少。食落啲雞係好滑好有雞味！煲內面有青荵洋蔥紅椒等等配料，加埋多汁有少少甜真係越食越想食！食完雞煲就當然係碌埋碟牛啦，雖然有少少貴但係就真係好好食同好新鮮。店家提醒我哋滾十零廿秒就食得架啦，果然牛味十足！兼且佢係帶少少彈性，所以係好有口感！飲埋支可樂已經一包都食唔落其他嘢啦！呢餐真係超滿足，朋友同我都覺得下次一定一定要試其他嘅鍋！仲有呢度嘅生料係可以叫半份架！咁就可以士多幾樣啦！仲有值