Video
Read full review
2014-06-05
5547 views
日式炸豬排係香港都開左唔少，之前都有食過同類既，今次試呢間因為果日係銅鑼灣同老婆行時，一直未搵到食，起初想去搵壽司食，但老婆話想食熱野，咁好彩見到就不如話食炸豬，點不知去排隊先發覺勁多人，一等就等左幾十分鐘，心諗唔好食就死囉。埋位時打開餐牌，發覺選擇好多，雖然想試芝士豬卷或者露筍豬柳呢D新野，但我地兩個人都係選擇番最原始既特上豬排同豬柳。前菜都係椰菜絲任食，加下芝麻醬吊下味開胃下。個芝麻一磨就好香，好似倒左麻油果種香味，最後加番少少豬排汁，個汁有少少酸既香味，混左芝麻後，感覺無咁油膩。炸豬柳套餐，個飯係麥飯，一啖食入口，飯味唔濃，但係每粒飯既黏性好夠，飯身唔太硬麵豉湯味道比較濃，相信係昆布放得唔多，令到個味道比較單調。豬柳本身炸得好好，入口好嫩滑，好似食緊豬肉味既綿花糖咁，層皮雖然睇落炸得比較深色，但入面仲要皮肉相連，無話炸到塊豬排收左水同皮分開左。點左醬汁後，芝麻碎刺激左嘴嚼時既感覺，芝麻香味同豬柳鮮甜度十分配合特上豬排套餐係老婆叫既，睇到有少部份係肥糕，但比例唔多，而且豬排本身好厚，食落口就同豬柳另一種對比，豬柳會係嫩D，多汁，但豬排就爽好多，而且每啖咬落時，咬開脆脆既皮，然後咬開
埋位時打開餐牌，發覺選擇好多，雖然想試芝士豬卷或者露筍豬柳呢D新野，但我地兩個人都係選擇番最原始既特上豬排同豬柳。
前菜都係椰菜絲任食，加下芝麻醬吊下味開胃下。個芝麻一磨就好香，好似倒左麻油果種香味，最後加番少少豬排汁，個汁有少少酸既香味，混左芝麻後，感覺無咁油膩。
炸豬柳套餐，個飯係麥飯，一啖食入口，飯味唔濃，但係每粒飯既黏性好夠，飯身唔太硬麵豉湯味道比較濃，相信係昆布放得唔多，令到個味道比較單調。
豬柳本身炸得好好，入口好嫩滑，好似食緊豬肉味既綿花糖咁，層皮雖然睇落炸得比較深色，但入面仲要皮肉相連，無話炸到塊豬排收左水同皮分開左。點左醬汁後，芝麻碎刺激左嘴嚼時既感覺，芝麻香味同豬柳鮮甜度十分配合
特上豬排套餐係老婆叫既，睇到有少部份係肥糕，但比例唔多，而且豬排本身好厚，食落口就同豬柳另一種對比，豬柳會係嫩D，多汁，但豬排就爽好多，而且每啖咬落時，咬開脆脆既皮，然後咬開D肉同時D汁係牙齒間發出既味道又比起豬柳既滑唔同，每啖都係享受緊豬排既美味咁。總括黎講，食物無可挑剔，而且店員服務非常有效率同埋友善，絕對係高質素，絕對會再黎食過。
Post
