Video
Read full review
2016-02-18
649 views
一直想試蒸氣火鍋很久，終於約到齊腳去食啦！😆聽朋友介紹，喜鍋嘅海鮮好俾貨，好好食！所以就決定黎試下！果然冇介紹錯一入門口，見到每張枱上面都有呢個竹蓋，好特別！我地急不及待睇下有咩海鮮食，侍應叔叔非常好客，叫我地直接去魚缸睇住黎揀！所有海鮮都好新鮮！即使係上枱都見到好生猛嘅！首先要介紹下呢個花竹蝦，大大隻😍蒸完之後，係完全吾使加任何調味料之下，都食到佢好甜好彈牙，肉質鮮嫩，蝦頭有滿滿蝦膏，成隻蝦都俾我食到得返d殻😂😂另外，仲有北寄貝，都係大大隻，新鮮上枱，成隻放入口，嘩！呢種感超爽啦！爽口彈牙，完全食到佢嘅鮮味，食完果陣鮮味都仲係個口度浪下浪下，冇得頂！👍🏻👍🏻當然吾少得食蠔啦！呢隻蠔吾使我講，齋睇相都知幾吸引啦！大大隻，非常肥美，睇我咬左一半都個有咁多剩就知冇花冇假！仲有不得不提，呢度所有野食都完全吾需要點醬汁，都已經好正！一定係新鮮食材先做到！再黎！睇下碟牛嘅紋理，油分分佈非常平均，店員會先問我地想要幾熟而控制時間，我鐘意全熟但又好意外地，全熟都完全吾韌吾鞋，靚牛先會有咁嘅質素👍🏻當然吾少得介紹奄仔蟹啦！一開，成隻蟹都充滿肉同膏！有圖有真相，一啖咬落去，果種滿足感真係非筆墨能夠形容，
一入門口，見到每張枱上面都有呢個竹蓋，好特別！
我地急不及待睇下有咩海鮮食，侍應叔叔非常好客，叫我地直接去魚缸睇住黎揀！所有海鮮都好新鮮！即使係上枱都見到好生猛嘅！首先要介紹下呢個花竹蝦，大大隻😍蒸完之後，係完全吾使加任何調味料之下，都食到佢好甜好彈牙，肉質鮮嫩，蝦頭有滿滿蝦膏，成隻蝦都俾我食到得返d殻😂😂
另外，仲有北寄貝，都係大大隻，新鮮上枱，成隻放入口，嘩！呢種感超爽啦！爽口彈牙，完全食到佢嘅鮮味，食完果陣鮮味都仲係個口度浪下浪下，冇得頂！👍🏻👍🏻
當然吾少得食蠔啦！呢隻蠔吾使我講，齋睇相都知幾吸引啦！大大隻，非常肥美，睇我咬左一半都個有咁多剩就知冇花冇假！仲有不得不提，呢度所有野食都完全吾需要點醬汁，都已經好正！一定係新鮮食材先做到！
再黎！睇下碟牛嘅紋理，油分分佈非常平均，店員會先問我地想要幾熟而控制時間，我鐘意全熟但又好意外地，全熟都完全吾韌吾鞋，靚牛先會有咁嘅質素👍🏻
當然吾少得介紹奄仔蟹啦！一開，成隻蟹都充滿肉同膏！有圖有真相，一啖咬落去，果種滿足感真係非筆墨能夠形容，鮮甜到不得了！簡直係完美嘅配合！
本人一向鐘意食蒸糕，呢個馬拉糕都冇令我失望！軟熟又吾太甜，啱晒我口味！
最後，梗係吾少得要介紹下個粥啦！係開始蒸食物之前，會先放入米，南瓜同瘦肉，然後先至係上面蒸海鮮，可想而知，最後先食嘅呢煲粥係幾咁鮮味，將所有海鮮嘅精華吸收晒，一d都冇浪費！
食完呢餐，真係好滿足！簡直回味無窮！超級推介👍🏻👍🏻👍🏻
Post
