得龍生哥美食

Open Now

Now Closed

以前響新蒲崗住，成日都會去德龍度食飯。早前知道佢哋轉咗做私房菜。今日咁啱經過，原來佢哋仲有間小店專做外賣。既然嚟到，當然要試一試啦。外賣飯，7款選擇，一個都係$40，仲包埋飲品或者例湯。結果我叫咗個原盅臘味飯同埋梅菜扣肉飯連例湯。梅菜扣肉夠入味，分量幾多。食落又唔會太鹹，值得一試。臘味飯，超香。一路行一路都聞到陣臘味味道。而且臘味嘅香味完全滲入響啲飯𥚃面。另外叫多個小食，沙爹豬皮特大魚蛋。$15，有三粒超大魚蛋，大細同長洲魚蛋一樣。仲要有唔少豬皮響面，分量十足，超級抵食。地址：得龍生哥美食 (新蒲崗)新蒲崗康強街33號地下C號舖