蘇珊娜餐廳

Open Now

Now Closed

今日西貢行完山，返出市中心睇下有咩食， 發現蘇珊娜原來仲喺度，勁開心，拍拖個時同男朋友幾乎每次入西貢都食，事過幾年，男朋友已經成為老公，更係要回味下啦！王牌鐵板餐，人潮依舊，6點幾未夠7點已經要等位，估唔到疫情期間，仲咁多人來捧場， 濃郁嘅人情味! 我點了猪扒鐵板餐(配黑椒汁)，老公點了柳眼扒鐵板餐配 (蒜蓉牛油汁)， 上餐超快， 最欣賞佢嘅羅宋湯 ，多士，一向出色，keep得住，主菜猪扒 雖然唔係黑毛豬， 但係口感多汁，軟熟， 薯條炸得好脆口，好開胃， 粟米好甜，下次要配洋蔥汁，我估口感更佳，柳眼扒 ，一樣美味， 蒜蓉牛油汁配牛扒係絕配， 襯托出牛扒嘅鮮味，跟餐仲有雪糕，大滿足，46年既餐廳經歷咁多風雨的確唔容易，香港精神，加油，希望每次入西貢都見到你Susanna!