東哥點心籠仔蒸飯專門店 (Closed)

夜晚放工約朋友來試$188兩小時任食點心火鍋，這裡款式多價錢吸引， 火鍋有五款湯底，有雞煲，胡椒豬肚雞鍋，澳門豬骨煲，懷舊醉雞煲，芫茜皮蛋鍋。雞煲可選全隻或半隻。雞件配合小辣既秘製醬汁濃郁惹味，飲品自取，有啤酒、汔水、果汁、烏龍茶等。食完雞煲可以請店員加湯食火鍋，醬料有紅椒、蔥頭、蒜頭、醬油等，可按個人喜好調較。打邊爐食得滋味, 當然由食牛開始，頂級肩胛牛，油脂分佈平均，入口嫩滑，頂級牛板腱便較爽口。鵝腸厚實爽脆，清脆鮮美。肥美飽滿既廣島蠔，肉身肥厚，嫩滑甘香，鮮甜可口。脆卜卜既響鈴和炸魚皮當然要試試，兩樣咬落都卜卜聲，新鮮又脆口。生筋口感跟響鈴相似，最易吸哂啲美味湯汁。金黃色既粟米甜度爆燈，口感清爽，而且健髀開胃、幫助消化。最後一定要留肚食點心，蝦餃皮薄餡靚，摺紋精緻，粒粒飽滿，口感彈牙爽口。蟹籽燒賣皇味道不錯，蟹籽爽脆，紮實飽滿，令人食指大動。鳳爪富含膠質，醬香入味，頓時齒頬留香。沙律蝦春卷金黃香脆，內餡多汁。流沙擂沙球內餡係熱辣辣嘅流心芝麻餡，令人回味無窮。