見見面 (琉璃街) (Closed)

之前試過九龍城果間，咁啱見到大坑開咗分店，就book左試吓同九龍城果間有冇分別，大坑呢間水準都好好。酸菜魚好味，魚肉好滑，湯唔太油，可以飲，不過如果再酸d就好啦。口水雞雞肉係普通質素既雞，精彩既係個汁，超好味，食到停唔到口仲叫左孜然牛肉同擔擔麵擔擔麵條煮得啱啱好，湯好香，濃度適中，唔太辣，令人一口接一口。孜然牛肉，孜然粉太多，呢道餸我一般。紅糖糍粑超好味，外面炸到脆脆，裡面煙煙靭靭，再配上甜甜既紅糖汁，好幸福🥰係呢餐晚飯完美既收結。3個人食，每人$200蚊到，好抵。