品香樓中西風味餐廳

Open Now

Now Closed

偶爾想放縱一下自己，就會想拉隊去品香樓食下啲煎炸甜嘢。今次我哋叫咗七味椒鹽豆腐（ $78 ）、蜜桃沙拉骨（ $92 ）、避風塘生蠔（ $108 ）。每碟餸都係熱辣辣上枱，色香味全。椒鹽豆腐外面炸得香脆，豆腐好軟熟而且有豆香。沙拉骨就非常惹味，食到舔舔脷。避風塘生蠔其實即係椒鹽炸蠔，口感同椒鹽豆腐有啲似，但肥美嘅蠔味道濃郁，令佢有自己特別嘅味道，即使一餐有兩道椒鹽菜式，都唔覺得悶。當然唔可以忘記凍朱加忌廉，朱古力又濃又滑，加上邪惡嘅忌廉，完美演繹這放肆又滿足的一餐。