詩餅坊

Open Now

Now Closed

幫襯咗屋企附近呢間蛋糕小店已經5年，由最初嘅檸檬撻到後來的各款生日蛋糕，從沒令人失望過。而且蛋糕款式不斷創新，做工嚴謹，選料新鮮，連唔鍾意食cream嘅朋友都舔晒，返轉頭要我幫手再訂。尋日又去攞生日蛋糕，栗子蓉嘅設計係跟我特別要求，因為早到咗，師傅仲係廚房唧緊栗子蓉，跟住見到佢著住白雪雪嘅西廚制服，攞住寫好嘅生日牌出來俾我過目。夜晚食完大餐，但個蛋糕都係幾分鐘落肚，連托盤上嘅栗子蓉都俾人刮到乾乾淨淨，睇怕下次要訂大一倍先夠喉。