Pancake 專門紗織 (Closed)

身為日本班戟達人既我，竟然比我喺百德新街發現咗一間新嘅日本甜品店🍰🍮當然要試吓啦。原來佢入邊唔止剩係得甜品可以食，仲有正餐可以選擇。而甜品方面，有鹹嘅亦都有甜嘅，真係好多選擇啊。焦糖香蕉🍌班戟 $118 淨係睇外表都已經一流 ，班戟上面放滿左香蕉忌廉同埋雪糕🍦，一層一層咁搭上去。班cake超香雞蛋🥚味，焦糖香蕉🍌燒到啱啱好，面頭脆卜卜 ，香蕉暖暖地夠晒甜，在配搭埋雲呢拿雪糕，多重口感出現，下次一定要再試其他pancake🥞。