麻布茶房 (Closed)

自在日本回香港後，食唔夠日本嘢，要喺屋企附近的日本餐廳搵番旅行的感覺。麻布茶房食過幾次，質素真心唔錯，所以今晚決定來回味一下來自日本的味道。男朋友這個牛肉煮拉麵，可以選辣度，男朋友點的小辣都幾惹味，湯底充滿香菇的鮮甜味，飲落暖胃，加上煮得很淋的牛筋和牛腩，還有一絲咬勁，補下骨膠原，配上爽口的拉麵，果然跟一般的港式連鎖店拉麵店有分別。炎炎夏天，我叫左個辣肉醬冷担担麵。用麻醬以及大量青瓜，吃起來好清新，而且又開胃。麵質彈牙有咬勁，肉醬分量唔多，唔會俾人一種好heavy的感覺。喺夏天冇乜胃口嘅時候，可以食一個凍凍地嘅冷麵都真係幾透心涼。好開心屋企附近開咗間都幾貼近日本味道的鋪頭，聽講如果惠顧晚餐的話加＄28可以享用店內招牌的雪糕甜品，下次一定要黎試過。