沙嗲王 (眾安街) (Closed)

嚟開沙嗲王一定係食佢嘅白咖哩，今次就配咗巨雞髀飯，選左白咖哩汁配白飯簡直係一絕，隻巨雞髀就鐵板上熱辣辣，雞肉又嫩滑真係幾正，另外再叫左避風塘魷魚筒、黃金軟殼蟹(加倍)、印度薄餅配咖哩汁同一杯芒果特飲，整體食物水準依然保持到，唯一小彈係現場冷氣唔係好夠，同埋好似人手唔係太充足，見現場都要處理好多外賣，職員都一腳踢，按左幾次加水掣都未有人手嚟加水，但始終沙嗲王勝在價錢抵食份量足，食滿特定價錢又會送佢嘅招牌辣椒油，喺諗唔到食咩嘅時候都係一個幾好嘅選擇。