Video
Read full review
2018-09-08
162 views
最近喺IG見到人po"阿爺粥品手工涮涮鍋"好似好正咁，於是call老公同朋友一齊黎試下，果然冇黎錯。入到去，都幾光猛同乾淨，店員安排我地坐四人卡位，唔會迫，比一般火鍋或者雞煲店闊，感覺舒適。店員態度殷勤親切，豬一坐低，已經叫我地開壺茶，一邊飲一邊睇下食咩，由於火鍋種類都有幾款，海賊雙飛鍋，海佬粥鍋，冬陰功蟹將軍鍋，美顏花膠雞鍋，又要睇下點食法，有咩食，所以真係要慢慢睇，店員都冇燶燶面，仲落力推介，唔錯👍最後我地揀左好多人都鍾意既美顏花膠雞鍋。任食任飲，每位都只係$298，60款配料，小食，甜品任點任食，都好抵食。另外飲品要$30蚊，就可以任飲，飲品除左一般普通汽水飲品，仲有冬瓜茶，奶蓋紅茶，桂花蜜，柚子蜜等。亦有芒果，青蘋果，百香果等味道嘅沙冰，其中有個蝶豆花荔枝冰，好香又唔甜，顏色又靚。美顏花膠雞鍋，個湯底好雪白，有半隻雞+大量厚身花膠，非常足料。啲湯一滾，我地就醒目地即刻飲碗先，補充返d骨膠原，正呀。湯嘅味道好香甜，同埋雞好滑。食完花膠雞，店員拎左個海鮮拼盤，每位有鮑魚一隻，貴妃蚌一隻，海花蟹半隻、乳龍蝦半隻，海鮮全部即叫即劏，非常生猛。店員幫我地先將全部海鮮放入湯底，滾起後三分鐘
入到去，都幾光猛同乾淨，店員安排我地坐四人卡位，唔會迫，比一般火鍋或者雞煲店闊，感覺舒適。店員態度殷勤親切，豬一坐低，已經叫我地開壺茶，一邊飲一邊睇下食咩，由於火鍋種類都有幾款，海賊雙飛鍋，海佬粥鍋，冬陰功蟹將軍鍋，美顏花膠雞鍋，又要睇下點食法，有咩食，所以真係要慢慢睇，店員都冇燶燶面，仲落力推介，唔錯👍
最後我地揀左好多人都鍾意既美顏花膠雞鍋。任食任飲，每位都只係$298，60款配料，小食，甜品任點任食，都好抵食。另外飲品要$30蚊，就可以任飲，飲品除左一般普通汽水飲品，仲有冬瓜茶，奶蓋紅茶，桂花蜜，柚子蜜等。亦有芒果，青蘋果，百香果等味道嘅沙冰，其中有個蝶豆花荔枝冰，好香又唔甜，顏色又靚。
芒果，青蘋果，百香果，蝶豆花荔枝冰
16 views
0 likes
0 comments
美顏花膠雞鍋，個湯底好雪白，有半隻雞+大量厚身花膠，非常足料。啲湯一滾，我地就醒目地即刻飲碗先，補充返d骨膠原，正呀。湯嘅味道好香甜，同埋雞好滑。
美顏花膠雞鍋
16 views
0 likes
0 comments
食完花膠雞，店員拎左個海鮮拼盤，每位有鮑魚一隻，貴妃蚌一隻，海花蟹半隻、乳龍蝦半隻，海鮮全部即叫即劏，非常生猛。店員幫我地先將全部海鮮放入湯底，滾起後三分鐘就可以食。有張卡教你滾幾耐食最好，岩晒我地呢d識食唔識煮嘅人。
海鮮拼盤
15 views
0 likes
0 comments
估唔到，呢個價錢嘅海鮮咁新鮮，貝殼類當中冇沙，洗好乾淨。鮑魚爽口彈牙，貴妃蚌新鮮爽甜，乳龍蝦肉質結實爽口，鮮味十足，而海花蟹雖然唔算大隻，但肉質飽滿鮮甜，所有海鮮都好好味。
龍蝦鮑魚
16 views
0 likes
0 comments
另外仲有蜆仔同手切牛肉，肉質同脂肪分佈好好，食落好滑，好有口感。
手切牛，蜆
11 views
0 likes
0 comments
滑牛同手打牛丸，色澤唔錯，肉質都可以，愛牛嘅人可以選擇。
滑牛同手打牛丸
17 views
0 likes
0 comments
黑豚肉片同賣相特別嘅玫瑰花爽肉，夠鮮甜，對食豬肉一般嘅朋友都話正，encore左1次。
玫瑰花爽肉，黑豚肉片
22 views
0 likes
0 comments
仲有蝦多士食，炸得好香口，細個嘅回憶。而廖媽雞翼脆卜卜，大良炸鮮奶亦唔錯。
廖媽雞翼，蝦多士，大良炸鮮奶
25 views
0 likes
0 comments
響鈴包紫菜，完全冇諗到兩者咁夾，味道同層次昇華，有紫菜味又吸收左海鮮湯嘅鮮甜味，而且長長的，有新鮮感😍
其實仲有好多款未試，但太飽喇，椰汁桂花糕都只敢叫2件試下，好滑好清甜，下次真係要留肚子再食過😋
響鈴包紫菜，椰汁桂花糕
13 views
0 likes
0 comments
Post
