阿爺粥品手工涮涮鍋 (Closed)

阿爺粥品手工涮涮鍋，位於繁盛的街道上，旺中帶靜 ，地方頗闊落，侍應招呼十分熱情。這天選了美顏花膠鍋 $298/位花膠份量非常多，爽滑有彈性， 感覺很滋潤。海鮮拼盤有龍蝦鮑魚和活蟹，鮑魚還是活體的，龍蝦的小腳還在舞動。各種海鮮都非常新鮮。還有海蜆，非常鮮甜。手切牛肉，入口溶化，牛肉味濃。鯪魚滑彈牙、西洋菜甜脆、鯇魚骨腩肥美魚香、唐生菜爽甜，鮮腐竹軟滑。順德手打肉丸彈牙。廖媽雞翼香脆入味、炸魚皮脆薄。 每人約300元的價錢實在超值。

天氣愈黎愈凍, 心郁郁又想食火鍋暖身, 麻辣火鍋雖然好味但食太多始終對身體唔好, 所以就揀左依間食滋補既火鍋啦.由於用餐時間早, 不用等位就可入座, 食完走時餐廳是滿座, 最好預先訂枱. 餐廳裝修是尋常茶餐廳+中式餐具, 播放大台中文歌曲, 用餐空間十分充裕.點了美顏花膠雞鍋, 配湯底和加錢任飲飲品. 還點了一大堆火鍋配料, 放滿整張枱十分豐富.餐點上枱時見倒有半隻雞和龍蝦,鮑魚, 花膠和花蟹, 雞明顯發黑好似比人打瘀左咁.龍蝦好新鮮,切半落湯滾都重有郁動,煮4分鐘就食肉質鮮嫩爽口,肉味甜美. 花膠大大舊又厚肉食極都有,比較啖味. 鮑魚都大隻唔會黃豆咁細粒,肉質爽脆彈牙,新鮮嫩滑.花蟹有一點膏肉質也新鮮美味. 其他火鍋配料也有驚喜, 多種不同牛肉各有優劣, 即炸紫菜響鈴卜卜脆,内裡有大塊紫菜. 魚皮也是自制鮮炸脆卜卜. 各式飲品和甜品就只是不過不失, 不用特別留肚試.價錢偏貴但尚算物有所值.

食左套餐海鮮花膠wor花膠可以係咁加好正呀之後黎既海鮮份量合理而且都好鮮味Size都唔會話好少其他火鍋配料都好蟹選擇 而且好食響鈴即炸都好好食火鍋加海鮮 價錢都算合理

難得有假期一於去食好嘢，今日就約咗朋友喺荃灣呢邊搵食。間餐廳其實都好方便 位於沙咀道！一見到個美顏花膠鍋，二話不說就去马。 嗰套衫包括有，生猛鮑魚一隻，貴妃雞一隻， 花蟹，龍蝦半隻和扇貝！ 師傅將啲海鮮大得好精緻， 公子海鮮都好新鮮鮑魚仲生嘅！ 另外仲送上少量安格斯肥牛質，素有保證！ 如果大家唔知道啲海鮮 幾時食得，可以睇返個時間表！講番個鍋底其實好香，鮮雞味加上啲花膠，質感好好，味道鮮甜！其他有好多配料都係任點㗎，其中我哋選擇了有幾樣包括美國肥牛，滑豆腐，炸魚皮， 蒲苔蜆，鯪魚滑，唐生菜。一共有60款， 種類繁多

4個人食左1600蚊，價錢唔係問題，問題係用料唔新鮮，除左隻蟹尚可之外，其他海鮮都唔掂，而配料更可以用差去形容：豬腰同公廁無分別，洗得唔乾淨，食左一啖想嘔；豬紅無味加似膠；魚皮餃勁咸好難食；西洋菜勁老；花膠就滑滑地無鮮味越食越難食；粥底只是米水，無咩味，即使打完海洋都無咩鮮味；龍蝦明顯唔掂唔新鮮；蜆等等都好一般，所以粥底點打都唔好味，唔會再回頭。30蚊任飲既沙冰都唔係好得，其他熱飲尚算正常。總結係伏，中哂伏，食到嬲左。

市面上比較少見到粥底火鍋，行過見到幾抵食就黎試吓佢個lunch，平日$98一位，星期六日要加$20，粥底冇得揀，係一個白粥嘅湯底，但個粥非常之稀似湯水多個粥，希望可以改善一下。雖然張order紙寫住每次只限五款，但其實我哋都有tick超過五款都冇問題，都唔覺佢有時間限制，所以可以慢慢坐慢慢食!! 有60款食物選擇，包括熟食，蟹柳同紫菜響鈴都好大件好味，整體食物質素其實一般, 但佢勝在價錢夠低，都可以一試!

魚湯花膠煲。某一日同老婆想打邊爐。上網搵下邊間好，就搵到荃灣尼間。openrice訂可以有積分送（不過最後職員冇提冇左件事）當晚7點3到，成個場都唔多人。大概得4-5圍堂。我同老婆安排左係卡位4人座。環境係舒適，位置唔錯有電視睇。加上冇咩人關係，通風冷氣都夠。坐低揀左個花膠套餐、任食花膠既。再加任飲，尼到任飲有凍檸茶！（飲3杯回本了）。當然味道一定唔夠茶記啦。湯底同花膠，濃味起膠。會有痴住咀既感覺，但係海鮮盤較為細份，整體唔太吸引同新鮮。如果你好中意食花膠，個人覺得先揀尼個餐。任食配料唔多，老婆最愛既水尤尼到係冇。有D失望。小食有大良牛奶，不過可以唔洗叫（凍同冇奶味）其他小食可以唔洗點叫。任食配料冇咩驚喜，手打丸亦係出面一般貨式。其實食完一round 都唔知可以叫咩。炸響玲凍冰冰，有少少油溢味。甜品亦有得揀，正正常常。埋單加一 加埋醬油。差唔多900蚊。尼個價錢，可以有更好選擇。試一次就算了

屋企無人煮飯，解決方法當然是出街吃啦。今日就連同一位好姊妹，去了荃灣千色店行街，行街之前當然去吃一餐飽的。所以我們就去了荃灣一間叫做阿爺粥品手工涮涮鍋，吃了一餐豐富的。真心要用豐富來形容。因為材料新鮮，龍蝦啖啖肉，飽魚又新鮮，花膠仲好厚，好好味！這是餐廳任食的美顏花膠雞鍋，送的手切牛肉，好好味，脂肪和肉的分布比例均勻，入口軟中帶牛肉味，好鮮好甜，我再沾一點豉油辣椒，味道十分十分好。質素很高。鮑魚，都幾大隻，而且10分新鮮，我們跟足餐廳的指示，來煮這些海鮮類，時間煮得剛剛好，鮑魚煮得剛剛好熟透，爽彈而軟滑，好味道。（在我們煮食的左手邊，有貼一張紙，紙上面有寫着不同的海鮮類要煮多少時間，果然我們跟足紙上的時間來煮，海鮮煮完出來時間剛剛好）👍貴妃蚌，貝殼類，海花蟹，新鮮十足，我再沾上醬汁，好鮮甜。yummy。(>^ω^<)乳龍蝦，龍蝦啖啖肉，好好味，肉質好爽口，而且有彈性，可以食得出龍蝦好新鮮，真心覺得好好味。之前都試過在其他餐廳吃龍蝦火鍋，但是他們給的龍蝦通常都是體型比較少，所以吃下去沒有什麼龍蝦肉可以吃。不過阿爺粥品手工涮涮鍋，我是第一次來吃的，真心覺得這間餐廳很有誠意，

係香港可以食到新鮮既食材真係好難，去由其去任食火鍋，都係食得飽就算。打邊爐最緊要食材新鮮，其次係個湯底，今次去哩間阿爺粥底火鍋真係唔錯！環境闊落舒適，地鋪！唔似係對面要排隊逼電梯！必備既配料仲有菜甫衛生即用即棄加長木筷子，哩個唔錯，又衛生又唔怕燙到手香濃嘅花膠湯底，仲有半隻嫩雞係入面每兩個人就會跟隻龍蝦、蟹、帶子，鮑魚，超新鮮，放落去煮果陣仲識郁啖啖鮮甜，正高級靚牛肉，好肉牛味，鐘意食牛肉既可以試下勁長既蟹柳台灣腸都好好味，必點俄羅斯象拔蚌，第一次食，佢冇平時食既咁甜，但好爽滑厚肉，滾兩分鐘到，一定要試下仲有好多小食，唔知以為食緊放題炸鮮奶雞翼紫菜響鈴旁邊有時間比大家參考左邊新鮮食材，最右邊嗰行係小食同甜品，飲品就要$18杯，不過加$30可以任飲甜品味道偏淡，食飽食唔會太膩荃灣區都有好多打邊爐嘅地方，你間阿爺粥底火鍋無論地方或者食材方面都係物超所值

之前同媽咪係旺角間阿爺粥品涮涮鍋食過，她讚不絕口，今日難得入荃灣探細佬一家順便食飯，知道荃灣都有分店，所以去食餐好。卡位座位，坐得舒服😌每張枱牆上貼着海鮮烹調時間，十分細心😍媽咪最愛花膠雞湯底，花膠是任食的，塊塊都好大隻，加埋半隻雞，正！多款食物及小食選擇👍先上一盤四人份量海鮮-有龍蝦，帶子，蟹，鮑魚，款款新鮮紥紥跳👍服務員將盤新鮮海鮮倒入鍋裏面，煮至滾起，超鮮甜，我地每人飲左兩大碗😋😋😋手切肥牛-切得好薄，入口肉質鮮嫩蜆肉無沙鮮甜👍俄羅斯象拔蚌，超爽口鮮甜，配埋辣椒豉油好好味。炸魚皮，炸大良鮮奶，外皮炸得脆卜卜，內裏鮮奶甜甜地，食吾停👍

同老公慶祝生日，二人世界下，呢度得一個生日優惠，就係比你坐卡位，舒舒服服享受晚餐。先講下呢度海鮮係重點，粥係陪襯下；我地叫左個花膠雞的任食套餐，花膠好多，個湯都膠埋，最欣賞係個主菜海鮮，有龍蝦、花蟹、番薯蜆、鮑魚、蜆仔同手切牛肉油花好均勻的，全部計好時間先食，確實洽到好處。食完海鮮主菜，就開始食點心，有蝦多士，順德花菜卷，紫菜響玲，都係咁好食；飲品加30蚊可以任飲，兩個人埋單7xx。

今日同事帶咗我去傳聞中既花膠湯底打邊爐，聽到都覺得好正好吸引， 冇諗過花膠湯底都可以打邊爐，仲要係任食放題。內裏非常闊落，仲有好多卡位坐添，如果人多可以坐大圓枱或者book定間房。😎呢個筷子頭是一次性的，可以隨時更換，睇落去又幾衛生喎。花膠都幾大片，份量多， 夠淋身有口感兼好入味，完全冇腥味。當中還有半隻雞幫手調味，真係好足料。海鮮送到上嚟仲係好生猛， 有花蟹，鮑魚，龍蝦 ，花甲，真係新鮮到不得了。 我好耐都未試過係出面可以食到咁新鮮嘅海鮮呀，真係一試難忘龍蝦都好大隻，肉質彈牙，仲有好多膏添 簡直係我嘅大愛牛肉肥瘦比例均勻， 好重牛肉味， 食咗兩片唔夠喉，要再encore花甲嫩之餘仲幾大隻， 非常鮮甜而且沒有沙鮑魚夠曬彈牙，而且牆上仲有張紙提點你，話你知要煮幾多分鐘就要食，非常細心， 以免你過熟另外隨意再叫咗扎肉，豬腸，肥牛和菜， 所有食材都可以保持得咁新鮮，真係非常難得。 食完已經飽到一個點最後竟然有甜品食， 我叫左椰汁桂花糕， 繽紛啫喱凍和香芒珍珠凍。 雖然睇落去好似好簡單，其實都花咗好多心思去整， 好好味唔會太甜，值得一讚配菜種類繁多， 每位298真係好抵食🤗，水準極高， 真係好

開頭以前係遂碟逐碟嗌，咁食物應該都唔差啩。點無原來係任食。噢，所以食物質素麻麻，不過不失囉。海鮮唔特別，無話係咪新鮮。任食配菜都只係過得去，唔高要求嘅ok嘅。提得一提服務係幾好，可能又少人呢。喺荃灣又想食呢類嘅可以一試嘅。建議餐廳整個散叫嘅，但食物質素可以靚啲囉。( 定係荃灣人cheap，俾唔起錢？！ )仲有openrice要打200字先可以出，但真心嘅食客好難打200字同每份食物都影曬相囉！！！！！

經常打邊爐嘅我,今日好期待個美顏花膠雞鍋，係朋友嘅介紹下，去咗阿爺粥品涮涮鍋試一試。過鍋一嚟到，已經見到十舊八舊花膠，有手掌咁大舊，有咬口，口感唔錯，無腥味，仲有半隻雞。嘆完花膠再嘆一嘆個海鮮拼盤先，當中包括有鮑魚，花蟹，海沙白，貴妃蚌，龍蝦，同蜆。冇嘢係任何挑剔，因為全部食材都好新鮮，最好味當然係龍蝦啦，啖啖肉好多膏，鮮甜美味。除咗兩樣即場送之外，見到個list都有60款配料任你食。除咗火鍋配料，我額外叫咗兩個熟食，蝦多士同大良鮮奶， 蝦多士炸到好香口，仲有大大隻蝦喺上面，食落去好鬆軟。大良鮮奶入面鮮奶好多好滑，出面炸到外脆內軟。最後甜品揀咗啫喱糕同桂花糕：啫喱糕有四五種唔同嘅味，軟硬度適中，酸甜比例都好好。

最近喺IG見到人po"阿爺粥品手工涮涮鍋"好似好正咁，於是call老公同朋友一齊黎試下，果然冇黎錯。入到去，都幾光猛同乾淨，店員安排我地坐四人卡位，唔會迫，比一般火鍋或者雞煲店闊，感覺舒適。店員態度殷勤親切，豬一坐低，已經叫我地開壺茶，一邊飲一邊睇下食咩，由於火鍋種類都有幾款，海賊雙飛鍋，海佬粥鍋，冬陰功蟹將軍鍋，美顏花膠雞鍋，又要睇下點食法，有咩食，所以真係要慢慢睇，店員都冇燶燶面，仲落力推介，唔錯👍最後我地揀左好多人都鍾意既美顏花膠雞鍋。任食任飲，每位都只係$298，60款配料，小食，甜品任點任食，都好抵食。另外飲品要$30蚊，就可以任飲，飲品除左一般普通汽水飲品，仲有冬瓜茶，奶蓋紅茶，桂花蜜，柚子蜜等。亦有芒果，青蘋果，百香果等味道嘅沙冰，其中有個蝶豆花荔枝冰，好香又唔甜，顏色又靚。美顏花膠雞鍋，個湯底好雪白，有半隻雞+大量厚身花膠，非常足料。啲湯一滾，我地就醒目地即刻飲碗先，補充返d骨膠原，正呀。湯嘅味道好香甜，同埋雞好滑。食完花膠雞，店員拎左個海鮮拼盤，每位有鮑魚一隻，貴妃蚌一隻，海花蟹半隻、乳龍蝦半隻，海鮮全部即叫即劏，非常生猛。店員幫我地先將全部海鮮放入湯底，滾起後三分鐘