Video
Read full review
2023-12-30
213 views
呢間咖啡店開咗一段時間，幫襯就係近期的事。第一次係2星期前，同店員講話想飲少甜朱古力，對方推薦單品可可🍫☕。果次仲有點dirty同latte，但latte係朋友飲，我冇機會試。今次帶埋狗狗🐕同另一個朋友嚟，坐店外的露營椅⛺。雖然有特色，但唔係好舒服，因為椅的重心低，由2個膠箱疊高而成的「檯」又稍高，唔係太啱位。今日天氣好，陽光猛烈🌄，我哋~1300到，曬到個人好熱🥵。因為帶住狗狗，諗住轉去咖啡店外側的室外位坐，雖然同樣有遮蓋，但都係好曬。最後唯有轉坐室內。今次點咗2款飲品+2款食物。單品可可🍫☕：朋友話好飲；上次店員介紹時話係純可可豆製，冇加奶而有奶的口感，另加少少䉀糖調味；飲品的外觀可注意少少，送嚟時杯邊有啲可可泡同可可漬Latte☕：今次我試到喇，味道可以，啡味較重，個拉花就~~，可能杯口太細、太窄；我唔確定奶啡係咪一般用cup而唔係mug（？），呢隻杯幾細，飲品容量可能得~200ml，要拉花靚亦有啲難度，未必夠位拉到個心🫗❤️冬日之甘粟🌰🍰：可能係季節限定甜品；賣相幾吸引，店員仲主動提議翻熱。食咗第一啖，覺得好似食緊中式糕點的蓮蓉饀，質感「實的的」，冇蛋糕的軟熟，冇粟子味，好失望柚
今次帶埋狗狗🐕同另一個朋友嚟，坐店外的露營椅⛺。雖然有特色，但唔係好舒服，因為椅的重心低，由2個膠箱疊高而成的「檯」又稍高，唔係太啱位。今日天氣好，陽光猛烈🌄，我哋~1300到，曬到個人好熱🥵。因為帶住狗狗，諗住轉去咖啡店外側的室外位坐，雖然同樣有遮蓋，但都係好曬。最後唯有轉坐室內。
今次點咗2款飲品+2款食物。
單品可可🍫☕：朋友話好飲；上次店員介紹時話係純可可豆製，冇加奶而有奶的口感，另加少少䉀糖調味；飲品的外觀可注意少少，送嚟時杯邊有啲可可泡同可可漬
單品可可
$60
2 views
0 likes
0 comments
Latte☕：今次我試到喇，味道可以，啡味較重，個拉花就~~，可能杯口太細、太窄；我唔確定奶啡係咪一般用cup而唔係mug（？），呢隻杯幾細，飲品容量可能得~200ml，要拉花靚亦有啲難度，未必夠位拉到個心🫗❤️
latte
$38
3 views
0 likes
0 comments
冬日之甘粟🌰🍰：可能係季節限定甜品；賣相幾吸引，店員仲主動提議翻熱。食咗第一啖，覺得好似食緊中式糕點的蓮蓉饀，質感「實的的」，冇蛋糕的軟熟，冇粟子味，好失望
冬日之甘粟
$50
4 views
0 likes
0 comments
柚子檸檬鬆餅🍋🧁：後加；原本試完粟子蛋糕後對鋪頭的pastry失曬信心，但朋友未食lunch，於是追加。鬆餅好食，雖然翻熱後唔算鬆軟，但crispy都好食，柚子味突出，幾清新；以價錢論（$40），CP值一般
柚子檸檬鬆餅
$40
3 views
0 likes
0 comments
上次嚟，咖啡店冇提到推廣優惠，而今次店員話有印花卡，可儲印。我問點樣上次冇既，對方答可能同事忙，唔記得咗。呢點我覺得唔太好，因為店內冇呢個資訊，所以食客好難發現~~雖然今次開咗張卡，但因為先後試過幾款飲品，得單品可可印象深刻，pastry麻麻，估計以後少啲機會嚟😌。咖啡店斜對面係Kachimushi，咖啡雖然好一般，但最近食過佢的巴斯克芝士蛋糕好好食，$38，仲幾大件，我覺得佢的甜品比呢度好食。
🐕狗狗食評：室外空間唔大，我企咗喺啲碎石上面一陣，然後就走到外面行人路企。今日好曬，最後我只好返屋企先，等媽媽同姨姨坐入鋪頭；呢度冇乜嘢啱我食🍴，如果媽媽叫三文治的話，可能我都分到少少既，蛋糕、鬆餅果啲就實冇我份喇
Post
