上海飽餃店

Open Now

Now Closed

以前未搬屋,媽媽成日買生煎包,生煎牛肉包或者餃子比我同細佬做早餐/下午茶,個人比較鍾意牛肉,因為肉味濃d呀嘛!佢d生煎包,包底煎得脆,𥚃面充滿肉汁,好正!而自己都會特登帶朋友去果度食小龍包,因為又平又好食,肉質好又多湯!雖然依家加左價,但係依然合理.講賣相係無大集團咁精美,亦都唔會超薄皮,但係日日新鮮製造,即叫即蒸,阿姐們好努力咁包,呢份精神,好值得我地支持!做街坊生意,想幾時食就幾時食,唔洗等一大輪先有得食~重點係幫襯得少都唔會有問題,口痕果陣就咁叫個包食,無加一無茶介,好feel好公度!希望小店可以永遠生存下去.