The Point - Pizza & Pasta (將軍澳中心) (Closed)

以前自己成日去開銅鑼灣嗰間食，自從執咗都有啲失落。今晚約朋友嚟將軍澳食飯，見到有the point，即管試吓水準keep唔keep到。以前每一次，我都一定會嗌呢個森林Pizza，野菌、火箭菜、黑松露忌廉醬令個Pizza好香，而薯仔片、烤蒜頭就令個Pizza好有咬口，食完心情都靚！跟住就叫個medium M5 澳洲和牛肉眼牛扒，淨係望個賣相都已經冇得輸。雖然望落好似好紅，食落口感剛剛好，夠Juicy，重牛味，有啲筋咬下好香。重點係佢嘅配菜都唔馬虎，薯蓉creamy，茄子同瓜又爽又新鮮又甜。最後，係我第一次食甜嘅Pizza。肉桂、烤蘋果、葡萄乾、合桃、吉士醬、雲呢拿雪糕，傳統配搭冇得輸。