翠榮雞煲火鍋

Open Now

Now Closed

好耐無黎喇，轉眼又過兩個月，連續幫襯左八妹雞煲幾次，都係覺得翠榮好食好多。裝修左喎，拆左個水吧，舖面大左可以放多張枱，米線同台式飲品完全無做咯。原計劃係去深水埗一探新假期本雜誌講既全城第一既麻辣雞煲，兩三個星期前已約朋友們，但最後都因反應冷淡而夭折，無 mood，返翠榮算喇 ﹗翠榮既指天椒免費架，但八妹就到收 HKD10 蚊，不過蔥同蒜蓉都無得提供。美國桶蠔，依個 size 最好，有 6 隻，之前比巨形既得 4 隻，太大唔好食呢。我較鍾意烚耐少少，口感更結實，蠔味更濃郁，咬落 Juicy 又多汁，正呀 ﹗手切地牛肉，即牛頸脊，今日瘦左少少呢，所以唔夠甜囉，都好食既。滑溜豬紅、爽甜金菇、香口魚腐、索味枝竹、肥美午餐肉，滿意滿意。已 order 左一隻半雞，所以隨意 order 少少野算喇，怕食唔晒又浪費。奇味雞煲一隻中辣，睇黎今晚老闆似乎太忙喇，雞件炒得比平時乾，又燶又鞋，忙都要質數架麻。整舊雞先，辣辣辣！一額汗！今次中辣比平時勁喎，好鬼刺激，可能因為比平時煮得耐，辣椒更加出味。奇味雞煲半隻中辣，剛才食完一隻雞都唔夠喉，要叫多半隻先夠食呢 ﹗倒埋落去一齊炒，加多份半香料香菜，正呀 ﹗但跟