榮少喇沙 (Closed)

生酮咗一年多，最近都轉回低碳醣飲食，因盡量都唔食太多碳水，所以粉麵飯都盡量唔食，要食真係會心思熟慮去揀一餐。湯粉麵中，喇沙算係本人頭號喜愛，當然有Quota 一定食至愛，就去好耐冇食嘅榮少，一個樣樣都想嘅情況下，就要咗碗雜錦喇沙，今次要咗瀨粉米粉底，另外要杯橙檸茶。太耐冇去，今次發現改為qr code 落單，都算方便。驚喜發現仲有肉骨茶湯底，自我掙扎咗一輪，最後都揀喇沙。榮少嘅喇沙，湯濃而唔會死咸，係我鍾意嘅原因，明知肥人禁忌，但魔鬼係面前，都忍唔住飲咗d,確實好味。環境方面，小店作風，當日舖面同廚房各有各播歌，我就冇所謂，要靜嘅就自己考慮，清潔度對我黎講，算係合格，服務亦快手禮貌，以街坊價又好食，榮少值得一試。